ZTE A0722: kengformatli, bir kamerali va arzon
Xitoy muvofiqlashtirish markazi TENAA saytida ZTE kompaniyasining hali hech kimga tanish bo‘lmagan smartfoni haqida ma’lumot paydo bo‘ldi. U A0722 raqamli model sifatida tanishtirilmoqda. Ma’lumotlarga qaraganda, bu qurilma yangi rusmdagi o‘rtacha detallari bilan boyitilgan arzon smartfon bo‘ladi.
O‘QING:ZTE kompaniyasiga qo‘yilgan taqiq butunlay olib tashlandi, ammo ko‘rilgan zarar oz emas
ZTE A0722 smartfoni diagonali 5,45 dyumli HD+ ekran (displeyi 1440 ga 720) ga ega bo‘lib, tomonlar nisbati 18:9. Takt chastotasi 1,4 GGs (Snapdragon 400-seriyali) bo‘lgan 8 yadroli protsessor yangi qurilmaning yuragiga aylanadi. Unga 3 yoki 4 gigabaytli OZU va 32 yoki 64 gigabaytli flesh-xotira yordam beradi. Bir modulli asosiy kamera 13 Mp. Old kamera 5 Mp formatidagi ob’yektiv bilan jihozlangan. Orqadagi plastik qopqoqda barmoq izlari skaneri joylashgan. Panelning yonboshida qizil blokirovka tugmachasi ko‘rinib turibdi. Batareya sig‘imi — 3100 mAch. Qurilmaning ishlashini OS Android 8.1 Oreo ta’minlaydi. ZTE A0722 sotuvga qora qa moviy rangda chiqariladi. Qachon chiqishi va narxi qancha – bu haqda kompaniya hozircha sukut saqlamoqda. Biroq apparat TENAA ma’lumotlar bazasida paydo bo‘ldimi, demak yaqin kunlarda xaridorlar qo‘lida ham ko‘rsak kerak.
