Meizu X8: kompaniyaning displeyi qirqmali ilk smartfoni
Xitoyning ITHome portali hali tanishtirilmagan Meizu X8 smartfonining old paneli suratini namoyish qildi.
Suratga qarab baho beradigan bo‘lsak, Meizu X8 keng formatli iPhone X’dagidek qirqmali ekranga ega hamda dizayni ham klassik ko‘rinishda.
Mish mishlarga qaraganda, Meizu X8 yangi Snapdragon 710 chipiga ega bo‘lib, 10 chi texprotsessda qurilgan Adreno 616 grafikasiga ega. Smartfon xotirasi turli sig‘imda, jumladan: 6/64 GB va 6/128 GB. Birinchi variant uchun 225 dollar to‘lash kerak bo‘ladi, ikkinchi varianti biroz qimmatroq bo‘lib, 300 dollarga baholangan.
O‘QING:Diqqat! MEIZU yangilanish e’lon qildi
Meizu kompaniyasi bozorda boshqa kompaniyalarga qaraganda anchayin sobit turdi va “monobrovli” trend ortidan ergashmadi. Lekin baribir, ushbu ma’nisiz va shafqatsiz moda bosimi tufayli Meizu qo‘rg‘oni ham quladi. Shu bois, tez kunlarda bizni hech qanday jozibasi yo‘q, tavsifi ham, tashqi tomoni ham Apple flagmaniga o‘xshash navbatdagi klon kutmoqda, desak ham bo‘laveradi.
O‘QING:Meizu 16 Plus sinovdan o‘tdi
