Sony akkumulyatorlari xizmat davrini 40 foizga oshirmoqchi
Yapon kompaniyasi batareya texnologiyasini takomillashtirmoqchi. Nikkei Technology texnologik portali xabariga ko‘ra, kompaniya batareya “umrini uzaytirish”ni maqsad qilgan.
Sony litiy-ionli batareyadan oltingugurt tarkiblisiga o‘tmoqchi. Unda oltingugurtdan elektrod materiali sifatida foydalaniladi. Olimlar batareyaning energiya zichligi 700 Vt/ldan 1000 Vt/lgacha ortishini chamalamoqda, o‘z navbatida xizmat davri ham 40 foizga oshadi. Yangi avlod batareyalari 2020 yilda chiqariladi.
Sony litiy-ionli batareya ishlab chiqarish tashabbuskorlaridandir. Bu uning galdagi rejasi muvaffaqiyatiga ishonch bag‘ishlaydi.
