Xiaomi’нинг энг қудратли флагмани арзонлашди

«Хитойча Apple» яқинда Redmi K30 русумли 5G-флагман ҳамда унинг 4G-версиясини намойиш этган эди. 12 декабрдан Redmi K30 4G сотила бошлади, флагманнинг 5G-версияси эса ҳали январдан бозорга чиқади.

ЎҚИНГ: Redmi K30’нинг тақдимотда айтилмаган сири фош бўлди! (+«жонли» видео)

Айни дамда эса Xiaomi корпорациясининг энг бақувват смартфони Redmi K20 Pro Premium бўлиб турибди. Сентябрда тақдим этилиб, оммабоп AnTuTu бенчмаркида кучини ҳам кўрсатган ушбу флагман Snapdragon 855 Plus процессори базасига қурилган.

Xiaomi ушбу смартфоннинг 8/512 гигабайтлик тезкор/ички хотирали версиясини расман арзонлаштирди. Redmi K30 Pro Premium ушбу версияда Хитойда аввал 425 доллардан сотилаётган бўлса, унинг нархини энди тахминан 342 долларгача пасайтиришган. Айтиш керакки, унинг 12/512 гигабайтлик тезкор/доимий хотирали версияси ҳам бор.

Янги смартфонларнинг бозорга чиқарилиши олдидан аввалги моделларнинг арзонлаштирилиши анъанаси аксарият ишлаб чиқарувчиларда мавжуд. Шу Xiaomi’нинг ўзи Redmi K30 тақдимоти олдидан нақ бешта гаджетининг нархларини пасайтирган эди.

ЎҚИНГ: Энг оммабоп Redmi смартфони «ғиштга айланиб» қоляпти, Xiaomi эса жим!