«Youth techno art – 2019» bolalar texnik ijodkorligi festivaliga marhamat!
O‘zbekistonda ilk bor «Youth techno art – 2019» xalqaro bolalar texnik ijodkorligi festival-tanlovi o‘tkaziladi. Bu haqda Minbar nashri xabar bermoqda.
O‘QING: Samsung tanlovida qatnashing – sovrin jamg‘armasi naq 40 000 dollar!
Xalq ta’limi vazirligi tashabbusi bilan o‘tayotgan bu festival:
- yoshlar o‘rtasida muhandislik kasblari nufuzini oshirish va texnik ijodiyotni ommalashtirish,
- yoshlarda robototexnikaga qiziqish uyg‘otish, mazkur sohadagi bilim va ko‘nikmalarini rivojlantirish, ularga shaxsiy robotlarini va ularning sistemasini ishlatishni o‘rgatish,
- yoshlarda innovatsiya va texnologiyalar sohasiga qiziqish uyg‘otish,
- iqtidorli yoshlarni aniqlash, tanlash va qo‘llab-quvvatlash maqsadida o‘tkazilayapti.
Tanlovda 7 yoshdan 17 yoshgacha bo‘lganlardan iborat jamoalar (4 ta ishtirokchi har bir yo‘nalish bo‘yicha alohida) 1 ta jamoa rahbari kuzatuvida ishtirok etadilar.
Tanlov o‘zbek, rus va ingliz tillarida:
- avtomodellashtirish,
- avia-raketomodellashtirish,
- robototexnika,
- radiotexnika, elektronika va aloqa yo‘nalishlarida bo‘ladi.
Festival 24-27 iyulda bo‘lib o‘tadi, unda qatnashmoqchi bo‘lganlar 10 iyulgacha saytda ro‘yxatdan o‘tishi kerak.
Tanlovga Rossiya, Qozog‘iston, Qirg‘iziston va Iordaniyadan ham qiziqish bildirilgan, deyiladi xabarda.
O‘QING: «Youth mobile» tanlovida g‘olib TATU talabasi 12,5 million so‘m mukofot oldi
