Android 7.0 Nougat relizi 22 avgustdan boshlanishi mumkin
Kanadaning Telus nomli mobil operatori Android 7.0 Nougat relizi 22 avgustdan boshlanishi haqida ma’lumot berdi. Hozircha Google kompaniyasi bu haqda biror izoh bermagan.
Telus avgustning so‘ngida Nexus 6P va Nexus 5X modellarini Android N versiyasiga yangilishi haqida xabar bergan. Biroq bu ma’lumotlarni hali yuz foiz aniq deb bo‘lmaydi.
Chunki Google o‘zining HTC bilan hamkorlikda tayyorlayotgan yangi turkumdagi Nexus
smartfonlarini hali taqdim qilmadi. Odatda, bunday katta yangilanishlar birinchi bo‘lib
Nexus seriyasida chiqarilar edi. Bundan tashqari, internetdagi ko‘plab manbalarda LG tomonidan yaqin orada namoyish qilinishi kutilayotgan LG V20 modeli ham Android N versiyasidagi ilk gadjet bo‘lishi aytilgan edi.