Dasturchilarning maoshi qancha?
Axborot texnologiyalari sohasidagi ishlar dunyo bo‘ylab eng yuqori haq to‘lanuvchi ishlar qatoriga kiradi. Maosh yuqoriligi jihatidan, boshqa sohalarda bo‘lgani kabi, birinchi o‘rinda direktorlar turadi. Ammo ko‘pincha IT-kompaniyalarda ham oddiy dasturchilar va dasturiy ta’minot ishlab chiquvchilarning ish haqlari ayrim bo‘lim boshliqlarinikidan balandroq bo‘lishi mumkin.
Keling, yaxshisi, «Moyo obrazovaniye» sayti yaqinda e’lon qilgan ma’lumot – Rossiyadagi dasturchilarning oylik maoshlari reytingini ko‘rib chiqsak. Eslatib o‘tamiz – ish haqlari so‘mda ko‘rsatilgan.
Lavozimi | O‘rtacha
maosh |
Eng yuqori
maosh |
Java bo‘yicha yetakchi dasturchi | 18 423 000 | 26 151 000 |
Oracle bo‘yicha yetakchi dasturchi | 16 045 000 | 23 770 000 |
1S bo‘yicha yetakchi dasturchi | 15 450 000 | 23 770 000 |
PHP bo‘yicha yetakchi dasturchi | 15 450 000 | 23 770 000 |
S# bo‘yicha yetakchi dasturchi | 14 490 000 | 20 200 000 |
S++ bo‘yicha yetakchi dasturchi | 14 262 000 | 21 390 000 |
Java bo‘yicha dasturchi | 14 856 000 | 23 770 000 |
Oracle bo‘yicha dasturchi | 14 262 000 | 21 390 000 |
Reliz-muhandis | 14 262 000 | 23 770 000 |
iOS bo‘yicha ishlab chiquvchi | 13 662 000 | 21 390 000 |
1S bo‘yicha dasturchi | 13 075 000 | 21 390 000 |
Ruby bo‘yicha dasturchi | 13 075 000 | 17 823 000 |
S++ bo‘yicha dasturchi | 13 075 000 | 20 203 000 |
Android bo‘yicha ishlab chiquvchi | 13 075 000 | 20 203 000 |
Delphi bo‘yicha dasturchi | 12 475 000 | 17 823 000 |
Python bo‘yicha dasturchi | 12 475 000 | 19 016 000 |
PHP bo‘yicha dasturchi | 11 405 000 | 21 390 000 |
JavaScript bo‘yicha dasturchi | 11 288 000 | 17 823 000 |
Perl bo‘yicha dasturchi | 11 288 000 | 21 390 000 |
Flash bo‘yicha ishlab chiquvchi | 10 695 000 | 17 823 000 |
Superjob portali tadqiqotlar markazi bergan ma’lumotlarga ko‘ra, Java bo‘yicha yetakchi dasturchining o‘rtacha ish haqi sinovdan o‘tkazish bo‘limi rahbarining maoshidan yuqoriroq ekan. Dasturchining maoshi tegishli lavozimga talabgorlar soniga ham bog‘liq bo‘larkan. Ya’ni, qaysi lavozim talablariga javob bera oluvchi dasturchilar qancha kam (raqobat past) bo‘lsa, shu lavozim uchun maosh shuncha yuqori bo‘lar ekan.
Yuqoridagilardan tashqari, dasturchining maoshi u dastur yozadigan tilga ham bog‘liq bo‘lishi mumkin. Masalan, faqat JavaScript’da yozadigan dasturchilarga talab past va ularning xizmati uncha yuqori baholanmaydi. Chunki JavaScript – ancha keng tarqalgan va u odatda boshqa tillarga qo‘shimcha til hisoblanadi.
Superjob tadqiqotchilarining izohlashicha, Perl tilli dasturchilarda ham shunga o‘xshash holat – ularga ehtiyoj kamayib bormoqda. Perl tili dasturlashtirishning boshqa, zamonaviy tillari tomonidan siqib chiqarilmoqda va unda «ijod qiluvchi» dasturchilar boshqa tillarni o‘zlashtirib olishmoqda.
Xo‘sh, yuqoridagi raqamlarni ko‘rib, sizning ham dasturchi bo‘lgingiz, yoki farzandingizni shu sohaga yo‘naltirgingiz kelib qoldimi? Unda saytimizni kuzatib boring – bu borada muhim va qiziq ma’lumotlar hali oldinda!