Galaxy S9’ning to‘qqizta ustunligi: 5. Har qanday yorug‘lik sharoitida ham ajoyib kadrlar! (+video)
Samsung kompaniyasining Galaxy S9 hamda S9+ modellari, garchi dizayni jihatidan o‘tgan yilgi flagmanlarga juda o‘xshasa-da, farqlari ham bisyor. Janubiy koreyalik texnogigant ularning eng ahamiyatlilarini to‘qqizta videorolikda bittama-bitta ko‘rsatib bergan.
O‘QING: Galaxy S9’ning to‘qqizta ustunligi: 3. Kameraga integratsiyalashgan Bixby imkoniyatlari (+video)
MWC 2018 ko‘rgazmasi doirasida taqdim etmasidan avval, Samsung kompaniyasi o‘zining Galaxy S9 hamda S9+ flagmanlari taqdimoti uchun rasmiy taklifnoma tarqatgan, unda bu gadjetlarning kamerasiga asosiy e’tiborni qaratgan edi. Bu bejiz emasligiga kompaniya e’lon qilgan quyidagi kabi lavhalarda ham guvoh bo‘lishimiz mumkin:
Ta’kidlanganidek, to‘qqizinchi avlod flagmanlarining kamerasi diafragmaning ikki xil rejimini qo‘llab-quvvatlaydi. Bular – yorqin quyosh nurlari ostida eng maqbul suratlar olish uchun f/2,4 aperturali hamda yorug‘lik yetarli bo‘lmagan sharoitlarda aniq rasmga tushirish uchun f/1,5 aperturali rejimlardir.