Intel protsessorlarida ishlaydigan mini kompyuterlar maqbul narxlarda
Internet do‘konlarida Windows operatsion tizimida ishlaydigan, Intel protsessorlari o‘rnatilgan bir qator mitti kompyuterlar savdosi yo‘lga qo‘yilgan. Quyida media-pleyer yoki idora kompyuteri sifatida ishlatish mumkin bo‘lgan bir qator modellarni taqdim etamiz. Ularning asosiy o‘ziga xosligi ixchamligi va arzonligidadir.
HYSTOU FMP03 Fanless Mini PC deb nom olgan Barebone-tizimi ixcham korpus bilan ta’minlangan bo‘lib, uning ichiga Intel Core-i3-4010U (1.7GHz) protsessori o‘rnatilgan. Unda LAN, 4xUSB 3.0 i 2xUSB 2.0 chiqish portlari mavjud bo‘lib, tezkor va ichki xotiraga ega emas. Biroq 16 Gb gacha bo‘lgan ikkita DDR3L hamda SSD + HDD`larni qo‘llab-quvvatlaydigan mSATA va SATA axborot tashuvchilardan foydalanish mumkin.
Narxi — 185 dollar.
BEELINK BT3 mitti kompyuteri to‘rt yadroli Intel Atom Cherry Trail x5-Z8300 protsessori, 2 GB tezkor hamda 64 GB doimiy xotiraga ega. Uning xotirasini 128 Gb gacha oshirish mumkin. Kompyuterda USB2.0, SD Card, USB3.0, RJ45,HDMI va audio chiqish portlari mavjud. Ikki diapazonli Wi-Fi va Bluetooth texnologiyalarini qo‘llab-quvvatlaydi. Kompyuter Windows 10 operatsion tizimida ishlaydi.
Narxi — 117 dollar.
Ixcham VOYO V3 Mini PC mitti kompyuterining o‘lchamlari 130x130x10 mm bo‘lib, ichiga 64 bitli 1.6 GGs chastotada ishlaydigan to‘rt yadroli Intel Atom x7-Z8700 protsessori o‘rnatilgan. Protsessor turbo-rejimda 600 MGs gacha chastotali Intel HD Graphics grafik tezlatkichi bo‘lgan 2.4 GGs chastotali yadroni ham o‘z ichiga olgan. Tezkor xotira — 4 Gb, doimiy — 128 Gb. Wi-Fi va Bluetooth 4.0 modullaridan tashqari, HDMI, 2xUSB 3.0, USB 2.0, USB Type-C hamda 128 Gb gacha hajmdagi MicroSD xotira kartalari uchun chiqish slotiga ega. Auksion narxi — 199 dollar.
Bundan avvalroq esa 35 dollarlik Raspberry Pi 3 mini kompyuteri savdoga chiqarilgani haqida xabar qilingan edi. Raspberry Pi 3 64 bit, 1,2 GGs chastotali ARM Cortex-A53 protsessori bilan ta’minlangan. Tezkor xotira — 1 gigabayt. Shuningdek, kompyuterda to‘rtta USB 2.0 porti, 3,5 millimetrli audio chiqish sloti, HDMI, displey va kameralarga ulanadigan interfeyslar (DSI va CSI) mavjud. Unga Wi-Fi va Bluetooth modullari ham o‘rnatilgan.
