Minoca OS nomli yangi operatsion tizim yaratildi

Github saytida Minoca OS nomli yangi ochiq operatsion tizimning birlamchi kodi va texnik hujjatlari paydo bo‘ldi. Tizim erkin GNU GPL v3 lizensiyasi bazasida yaratilgan. Dasturchilarning ma’lum qilishicha, ushbu operatsion tizim butunlay yangi kodlar bilan yozilgan, kompyuterning apparat qismiga yuqori talablar qo‘ymaydi va Linux’ga qaraganda tezroq ishlay oladi.

Operatsion tizim yaratuvchilari Evan Grin va Kris Stivenslarning qayd etishicha, dastur yadrosi mexanizm va yangilanishlari o‘tgan asrning 90-yillaridan beri o‘zgarmagan va natijada sezilarli eskirgan.

Dastur kodi 625 mingta qatordan iborat. Asosan S dasturlash tilida yozilgan bo‘lsa-da, biroq S++ va assemblerdan ham foydalanilgan. x86 uchun mo‘ljallangan yadroning hajmi – 750 KB. Minoca OS to‘liq ishlash holatida 5-7 MB operativ xotirani tashkil qiladi, ARMv6 va ARMv7 texnologiyasidagi protsessorlarda ham ishga tushadi.

Ferra nashrining ma’lum qilishicha,  Minoca OS dasturini mobil qurilmalar, sozlanadigan tizimlar, kuchsiz kompyuterlar va Raspberry Pi kompyuterlarida ishlatsa bo‘ladi.