Oppo 3 chorakda Xitoyda eng ko‘p smartfon sotgan firmaga aylandi
Gadgetsnow nashrining IDC agentligiga tayanib ma’lumot berishicha, Oppo firmasi 2016 yil 3 chorak davomida Xitoyda eng ko‘p smartfon sotishga muvaffaq bo‘lgan kompaniyaga aylandi. Ta’kidlash kerak, Xitoyda mashhur bo‘lgan mazkur smartfon ishlab chiqaruvchi o‘z tarixida birinchi marotaba bunday ko‘rsatkichni qayd qilmoqda.
Ayniqsa, firmaning R seriyasidagi modellar ko‘plab mijozlarning e’tirofiga sabab bo‘ldi. Masalan, bundan bir necha kun oldin Oppo ilg‘or kamera va kuchli texnik parametrlarga ega bo‘lgan Oppo R9 Oppo va R9 Plus smartfonlarini namoyish qildi va bu smartfonlar jahondagi IT sanoati mutaxassislari tomonidan iliq kutib olindi.
Oppo 3 chorak davomida 25,3 million dona smartfonni sotuvga chiqargan va 16,6% Xitoy smartfon bozorining ulushiga egalik qilgan. Bu avvalgi yildagi ko‘rsatkichdan 121,6%ga yuqoridir. Eng qizig‘i, Oppo bilan bir qatorda Vivo firmasi ham smartfon sotuvlari borasida Huawei va Xiaomi kompaniyalarini ortda qoldirgan.
