Romsiz displey va 8 GB tezkor xotiraga ega ilk smartfon!
Ulefone kompaniyasi o‘zining yangi smartfoni
– F2 modelini taqdim etishini ma’lum qildi. U 8 GB hajmli tezkor xotiraga hamda
romsiz ekranga ega dunyodagi ilk qurilma bo‘ladi, deb yozadi
GizmoChina.
Smartfonning dizayni Samsung Galaxy S8 modeliga o‘xshab ketadi. Ulefone
F2 telefonining qayrilma ekrani diagonaliga 5,7 dyuym o‘lchamga ega, uning
tomonlari 18,5x9 nisbatda bo‘ladi.
Yangi devaysning kamerasi qo‘shaloq modulga ega bo‘lishi ma’lum. Biroq,
uning megapiksellar bo‘yicha sifati va boshqa tafsilotlari hozircha oshkor
etilmayotir.
Shuningdek, Ulefone F2’ning protsessori hamda operatsion tizimi versiyasi ham noma’lum.
