SanDisk yanada tezkor, ilg‘orroq fleshkani namoyish qildi
Ma’lumot tashuvchi elektron qurilmalari bilan mashhur SanDisk kompaniyasi USB-C xotira kartalarining ikkinchi avlodini namoyish qildi. Ma’lum bo‘lishicha, yangi USB-C o‘zining avvalgi talqiniga qaraganda tezkor, innovatsion va ixcham.
128 GB ma’lumotni sig‘dira oladigan SanDisk Ultra Dual Drive USB Type-C fleshkasining ikki tomoniga USB-C hamda USB-A konnektorlari o‘rnatilgan. Fleshka korpusidagi slayderni tortib, ulardan foydalanish mumkin.
USB 3.1 standartining tatbiq etilishi natijasida SanDisk’ning yangi fleshkasida o‘zaro ma’lumot almashish tezligini soniyasiga 150 Mb.ni tashkil etmoqda.
Ekspertlar USB-C standartiga ega fleshkalardan yaqin yillarda foydalanish to‘xtamasligini aytishmoqda.
Amazon internet do‘konida SanDisk Ultra Dual Drive USB Type-C innovatsion fleshkasining 16 GB talqini $19.99 dollar, 32 GB talqini $29.99 dollar, 64 GB talqini $39.99 dollar, hamda 28 GB talqini $69.99 dollardan sotilmoqda.