Sony yana uch xil Walkman pleyerlarini chiqaradi
Yaponiyalik gigantning Walkman brendi bir paytlar butun dunyoda
mashhur edi. Bu nomdagi musiqiy pleyerlar Sony’ga katta daromadlar keltirardi, toki...
iPod paydo bo‘lguniga qadar.
Ammo baribir, yaponlarning bu nom bilan xayrlashgilari kelmadi.
Walkman
nomi smartfonlarda
qo‘llana boshladi, Sony shu
brend ostida quloqchinlar ishlab chiqarishni yo‘lga qo‘ydi. Yaqinda esa sensor displeyli NW-A35
Walkman portativ raqamli
pleyerini ishlab chiqara
boshladi.
Endi esa, internetda tarqalgan xabarlarga ko‘ra, Sony
mana shu pleyerga o‘xshash yana uchta
– NW-A45, NW-A46 va NW-A47 modellarini ishlab chiqarishga qaror qilgan. Kodli nomi
Jupiter bo‘lgan mazkur gadjetlar FCC sertitsifkatsiyasidan ham o‘tgan, deb yozadi
Ferra.ru sayti.
Mazkur devayslarning uchalasi ham ichki xotira bilan ta’minlangan. A45
modelida atigi 16 gigabaytlik doimiy xotira mavjud bo‘lsa,
A46 pleyeri 32 gigabayt, A47 esa naq 64 gigabayt xotiraga ega. Bu uchala qurilmaning o‘zaro farqlari faqat shundan
iborat bo‘lishi ko‘zda tutilgan.
Shuningdek, avvalgi – A35 modelidagiga nisbatan yangilarida akkumulyator
sig‘imi ham yirik, displey ham 3,1 emas, balki 3,5 dyuymlik diagonalga ega. NW-A35 Walkman batareyasini bitta to‘ldirganda
45 soat ishlaydigan, NFC va Bluetooth bilan ta’minlangan bo‘lsa, yangi modellarda
melomanlar uzluksiz 50-60 soatlab qo‘shiq tinglashlari mumkin bo‘ladi.