Super Charge tezkor quvvatlantirgich sertifikatsiyadan o‘tdi
Huawei kompaniyasi Super Charge tezkor quvvatlantirgich texnologiyasining navbatdagi avlodini tayyorlamoqda.
3C sertifikatsiya byurosi ma’lumotlar bazasida (China Compulsory Certification) HW-100400C00 raqamli modeli bilan Huawei’ning yangi quvvatlantirgichi payda bo‘ldi. Hujjatlarga qaraganda uning quvvati 40W (10V/4A) ga teng. Taqqoslash uchun: Huawei P20 Pro flagman komplektiga 22W adapteri kiradi.
O‘QING:Taniqli kompaniya o‘z noutbuklarini qaytarib olyapti – ularning akkumulyatori portlashi mumkin!
2016 yilda kompaniya 5V/8A zaryadkali Honor Magic smartfonini chiqargan edi. Uning yordamida 2900 mAch sig‘imli akkumulyatorni 45 daqiqada quvvatlantirsa bo‘lardi. Yangi avlod Super Charge esa bu ishni 30 daqiqada amalga oshiradi. Masalan, raqobatchi Qualcomm Quick Charge 3.0 yoki OnePlus Dash Charging ushbu vaqt ichida qurilmani atigi 50 yoki 60 foizga quvvatlantira oladi.
O‘QING:Samsung 12 daqiqada quvvatlanadigan grafen akkumulyatorni taqdim qildi
Afsuski, yangi avlod Super Charge bilan kompaniyaning qaysi smartfoni ta’minlanadi, bu savol hozircha ochiqligicha qolgan. Mazkur texnologiyani kuzda taqdim etish mo‘ljallangan, ehtimol o‘shanda ushbu savolga javob aytilar.
