Telefoningiz qaysi Android versiyasida ishlashini bilasizmi?

Мавлон Марасулов
1405
17.08.2016 20:51

Albatta, smartfondan yaxshi foydalanishni biladigan foydalanuvchilar o‘z telefonlarining qaysi Android versiyasida ishlashi to‘g‘risida tasavvurga egalar. Ammo endigina smartfondan foydalanishni boshlaganlar-chi? Xo‘sh, nima uchun bu ma’lumotni bilish muhim?

Hozirda jahondagi aksariyat smartfonlar (Apple smartfonlaridan tashqari) Android platformasida ishlaydi. Android Google kompaniyasining mahsuloti bo‘lib, ayni vaqtda bag‘oyatda katta tezlik takomillashib boryapti. Smartfon qanchalik yangi model bo‘lsa, undagi Android versiya ham shunchalik yangi bo‘ladi. Platforma versiyasi smartfonning samaradorligini belgilab beradigan omillardandir. Shuning uchun smartfon xarid qilayotganda, undagi Android versiyasini tekshirish juda muhim. Ayni vaqtda so‘nggi Android versiya 2015 yilda chiqarilgan Android 6.0 Marshmallow hisoblanadi. Android 7.0 Nougat shu yilning so‘nggi choragidan boshlab paydo bo‘ladi. Agar smartfoningizda eskiroq versiya o‘rnatilgan bo‘lsa, xavotirga tushmang, shunchaki telefon sozlamalaridagi qurilma haqidagi ma’lumotlar berilgan menyuda dasturni yangilashga harakat qiling. Buning uchun telefon internet tarmog‘iga ulangan bo‘lishi kerak. Smartfon ishlab chiqaruvchilar vaqti-vaqti bilan dasturdagi kamchilik va nosozliklarni bartaraf etish, yangi funksiyalarni qo‘shish yoki Android versiyasini yangilash maqsadida yangilanishlarni chiqarib turadilar. Darvoqe, aynan mana shu menyuda smartfoningizdagi Android versiyasini bilib olishingiz mumkin.

Quyida Android versiyalarining nomlari va chiqarilgan sanalari keltirilgan: