Telegram’dagi eng zo‘r kanallar-4: kinomanlar uchun!
Telegram-kanallar bo‘yicha to‘rtinchi to‘plamimizni kino va seriallar ishqibozlariga bag‘ishladik. To‘plamga shu yo‘nalishdagi botlar ham kiritilgan. Marhamat, ko‘rib chiqing, kanal yoki bot nomidagi havola orqali o‘tib obuna bo‘ling va kuzatib boring.
Kino va seriallar haqidagi Telegram-kanallar
Kino yangiliklari, qiziqarli faktlar, komikslar va memlar, shuningdek yangi treylerlar hamda premeralar anonslari berib boriluvchi kanal.
Kinoijaraga chiqarilgan turli janrlardagi filmlarning qisqacha tavsiflari. Kanal mualliflari kuniga bittadan taqriz berib borishadi.
Bu yerda kinoga va seriallarga oid stikerlarni, eng dolzarb yangiliklar, qiziqarli xabarlarga havolalarni topasiz. Yana yangi kliplar va audioyozuvlar ham berib boriladi.
Premeralar tavsiflari, suratga olish jarayonlarida tushirilgan arxiv fotosuratlari, filmlardan lavhalar va taqrizlar berib boriladigan kanal.
Treylerlar va filmlarga yo‘llovchi havolalar kanali. Eng qizig‘i – ularni hatto Telegram’dan chiqmasdan turib tomosha qila olasiz!
Turli janrlarga oid, ko‘rishga arzigulik filmlar haqida qisqa, ammo lo‘nda axborotlar beruvchi taqrizlar kanali.
Kino va seriallar yangiliklari, qiziqarli maqolalar, kinoyulduzlar videolavhalari berib boruvchi kanal. Unda yana turli aktyorlarning fotosuratlari hamda ularning Instagram profillariga havolalar ham e’lon qilinadi.
Kinotanqidchi Anna Sotnikova va musiqa tanqidchisi Artyom Makarskiy o‘zlari ko‘rgan filmlar haqida, maxsus namoyishlar to‘g‘risida hamda turli festivallar xususida shu kanal orqali ma’lumotlar berib borishadi.
Kinematografiya haqidagi qiziqarli maqolalarga yo‘llovchi havolalarning haftalik to‘plamlari, blog muallifining alohida filmlar va umuman kinosanoat haqidagi mulohazalari taqdim etib boriladigan kanal.
Bu kanalda juda ko‘p narsa bor: filmlar to‘plamlari, yap-yangi treyler va promolar, hafta kinopremeralari, torrentlardagi yangiliklar, kino xabarlari, suratlar va memlar…
Kinoshunos Aleksandr Pavlovning seriallar va yaxshi filmlar to‘g‘risidagi mualliflik kanali.
Bu kanaldayam kino yangiliklari va filmlar haqida taqrizlar beriladi, ammo ular muallifning o‘ta original yondashuvi bilan o‘zgachalik kasb etgan.
Kon Anatoliy bu kanalida filmlar, seriallar va kitoblarga taqrizlarini, kino olamidagi so‘nggi yangiliklarni berib boradi.
Hujjatli filmlar haqidagi tavsiflar va xabarlar, shuningdek, turli festivallar hamda kinosanoat voqealari haqidagi hikoyalarni mana shu kanaldan topasiz.
Kanalda o‘ta kamyob klassik filmlarga, shuningdek, yangi kinoasarlarga taqrizlar berib boriladi. Uning muallifi IMDb reytingining eng yuqorisidagi 250 ta filmning barchasini ko‘rib chiqish va ularning har biri haqida taqrizlar yozib borish orzusida.
Kino olamidagi oxirgi voqealar, aktyorlarning kulgili vaziyatlardagi fotosuratlari, ularning tug‘ilgan kunlari hamda haqiqiy fanatlar uchun boshqa ko‘plab qiziqarli ma’lumotlar kanali.
Kinoni haqiqatan ham tushunadiganlar uchun maxsus kanal. Bu yerda siz shov-shuvli yangi kinolarga tavsiflarni uchratmaysiz. Faqat kamyob filmlar, faqat mualliflik kinosi.
Kinematografiya atrofidagi mavzularga bag‘ishlangan kanal. Ssenariylar yozish san’ati, mahorat sirlari, foydali maqolalar, kino haqida tavsif va suhbatlar.
Komikslar, kino va seriallar haqidagi mazkur kanalda asosiy e’tibor superqahramonlar haqidagi filmlarga qaratiladi.
Kinofilmlardagi sevimli lavhalar, rus kinematografiyasi haqidagi maqola va qaydlar, yangi kinolarning muntazam tavsiflari, mavzularga ajratilgan to‘plamlar va qiziqarli so‘rovnomalar.
Butun dunyo bo‘ylab ishlangan turli qisqa metrajli filmlarning qisqacha tavsiflari.
Shunchaki kanal emas, seriallar ishqibozlari uchun haqiqiy kenglik! Bu yerda yangiliklarni ham, anonslarni ham, gif-fayllarni, so‘rovnomalarni ham topasiz.
Seriallarga qiziqasiz, lekin muntazam ko‘rib borishga vaqtingiz yo‘qmi? Unda mana shu kanalga obuna bo‘ling – ularning asosiy mazmunini berib borishadi.
LostFilm’da a’lo sifatli dublyaj qilingan yangi kinolar haqidagi kanal. Har kuni yangilab boriladi.
Seriallar to‘g‘risida so‘nggi yangiliklar, ularning premeralari haqidagi anonslar va tavsiflar, shuningdek, ommabop teleshoulardan olingan lavhalar va kadrlar.
Seriallarning yangi mavsumlari anonslari, seriallar xususida va uning atrofidagi mavzularda qiziqarli maqolalar to‘plamlari. Shuningdek, kanal muallifi o‘zi tomosha qilgan teleshoular haqidagi shaxsiy taassurotlarini ham bayon etib boradi.
Kino va seriallar haqidagi Telegram-botlar
Kechqurun nima tomosha qilishni o‘ylab bosh qotiradiganlar uchun o‘ta foydali bot. Yoqimli bonus – o‘yinlar, film va seriallardan olingan sitatalar, ular haqidagi yangiliklar. Yoqqan filmlarni “tanlanganlar”ga qo‘shib qo‘yish imkoni mavjud.
Yangi qo‘shilgan kinolar xususida xabar beruvchi bot. Yaxshi tomoni – biryo‘la ularni onlayn tomosha qilish uchun havolani ham yuboradi.
Shuningdek, Telegram-kanallarning turli yo‘nalishlardagi birinchi va qiz-ayollarga bag‘ishlangan ikkinchi to‘plamiga, rus tilini o‘rganuvchilarga atalgan uchinchi to‘plamiga ham nazar solishingizni tavsiya etamiz.
