Xakerlar YouTube’dan tarixdagi eng ommabop videoni o‘chirib yuborishdi
YouTube videoservisi xakerlar hujumiga uchradi – undagi eng ommalashgan musiqali videolarning aksariyati o‘chirib yuborilgan. Shu jumladan, YouTube tarixidagi eng mashhur va ommabop videorolik ham yo‘q bo‘lib qolgan.
O‘QING: Xakerlar tarixdagi eng yirik o‘g‘irlikni sodir etishdi
The Verge nashri tarqatgan xabarga ko‘ra, eng ommalashgan video Vevo kanali akkauntida bo‘lgan. Bu Luis Fonsi hamda Daddy Yankee ijrosidagi «Despacito» qo‘shig‘ining roligi edi. YouTube’da uning bosh tasviri o‘rnida pulemyot ushlagan niqobli kishilar rasmi turibdi.
O‘QING: YouTube bosh ofisida otishma: jabrlanganlar bor, Tim Kuk hamdardlik bildirdi (+video)
Quyidagi tvitga qaraganda, bu ishni o‘zlarini Prosox va Kuroi'sh deb atovchi xakerlar qilishgan:
@YouTube Its just for fun i just use script "youtube-change-title-video" and i write "hacked" don t judge me i love youtube <3
— Prosox (@ProsoxW3b) 10 aprelya 2018 g.
Shuningdek, xakerlar YouTube’dan boshqa ommabop musiqali videolavhalar ham o‘chirib yuborishgan. Ularning barchasi Vevo kanali akkauntiga tegishli bo‘lgan.
