Xiaomi Mi Router 4 marshrutizatorini taqdim etdi, narxi ham ma’lum
Bugun – 22 mayda Xiaomi kompaniyasi Xitoyda yangilangan Mi Router 4 marshrutizatorni taqdim etdi.
Yangi qurilma 2016 yilda iste’molga chiqarilgan mashhur Mi Router 3 modelining davomchisidir. Mi Router 4 dizayni bo‘yicha ham avvalgisini eslatadi. U 4 ta antenna va buralgan qirrali korpusga ega. Qurilmaning pastki va orqa tomonida samarali energiyasovutgich uchun maxsus teshik mavjud. Marshrutizator yangilangan MT7621A protsessor bilan jihozlangan, natijada uni 130 ga yaqin qurilmaga ulash mumkin. Shuningdek, unga Mi Router 4 128 MB OZU va 128 GB PZU ham o‘rnatilgan. Unda LAN, WAN, USB portlari va chiroqli indikatorlar mavjud. Afsuski, router aynan qaysi platformada ishlashi haqida ma’lumot hali yo‘q. Taxminan MiWiFi OS (Mi Router 3 ga o‘xshab) bo‘lsa kerak.
Yangilikning o‘ziga xos tomonlaridan, bu uning ikkidiapazonli Wi-Fi (2.4G va 5G)ni, MiNET funksiyasi (qurilmani aqlli uylarga tezkor qo‘shish)ni, Android bilan simsiz ulanishni va iOS qurilmasini qo‘llab-quvvatlashidir. Qurilma WPA-PSK/WPA2-PSK bilan raqamlashtirilgan va DoS-hujumlardan himoyalangan.
O‘QING: Wi-Fi tarmog‘ida xavfsizlikni ta’minlash uchun 5 maslahat
Xiaomi Mi Router 4 may oyining oxirgi o‘n kunligi o‘rtalarida savdoga chiqadi. Narxi 199 yuan (30 AQSh dollari atrofida) bo‘ladi. Taqqoslaydigan bo‘lsak, avvalgi Mi Router 3 modeli 149 yuan (23 AQSh dollari atrofida)dan sotilgan edi.
