Энг кутилаётган ўйин – Assassin’s Creed: Valhalla’нинг илк расмий трейлерини томоша қилинг!
Ubisoft компаниясининг машҳур Assassin's Creed туркуми ишқибозлари Assassin's Creed Odyssey, Assassin’s Creed: Rebellion ва бошқа ўйинлардан баҳра олиб келишмоқда. XXI асрнинг энг зўр элликта ўйини рейтингига кирган Assassin's Creed 2 ўйинини эса 5 майгача олиб, бир умр бепул ўйнаш мумкин!
ЎҚИНГ: Epic Games иккита – хоррор ва экшен ўйинни 7 майгача текин тарқатяпти (+видео)
Ушбу туркумнинг навбатдаги, энг кутилаётган ўйини Assassin’s Creed: Kingdom номи билан чиқиши ва унда жанглар Скандинавия ҳудудида, викинглар даврида бўлиб ўтиши айтилган эди. Куни кеча – 29 апрель куни Ubisoft берган расмий анонсга кўра, унинг номи бошқачароқ – Assassin's Creed: Valhalla экан. Ундаги «Valhalla» («Вальгалла») сўзи эса Скандинавия мифологиясига тегишли бўлиб, «марҳумлар макони»ни англатади.
Ubisoft викинглар ҳақидаги ушбу ўйиннинг илк расмий трейлерини эълон қилди:
Экшен жанрига мансуб бўлган Assassin's Creed: Valhalla ўйини геймерларга 2020 йилнинг кузида, PlayStation 4, Xbox Series X ҳамда компьютерларда ўйнаш учун тақдим этилади. Яна унинг кутилаётган ўйин приставкалари – PlayStation 4 ҳамда Xbox Series X учун ҳам тайёрланаётгани айтилмоқда.
Мазкур дастурий таъминот устида нақ 14 та ўйин студияси ишламоқда, бу эса Ubisoft учун рекорд кўрсаткич ҳисобланади. Таққослаш учун келтириб ўтсак, Assassin's Creed: Odyssey ўйинини «атиги» еттита студия биргаликда тайёрлаган.
ЎҚИНГ: PlayStation 5 тақдимотининг аниқ куни ҳам маълум – энди кўп кутмаймиз!
