Eng kutilayotgan o‘yin – Assassin’s Creed: Valhalla’ning ilk rasmiy treylerini tomosha qiling!
Ubisoft kompaniyasining mashhur Assassin's Creed turkumi ishqibozlari Assassin's Creed Odyssey, Assassin’s Creed: Rebellion va boshqa o‘yinlardan bahra olib kelishmoqda. XXI asrning eng zo‘r ellikta o‘yini reytingiga kirgan Assassin's Creed 2 o‘yinini esa 5 maygacha olib, bir umr bepul o‘ynash mumkin!
O‘QING: Epic Games ikkita – xorror va ekshen o‘yinni 7 maygacha tekin tarqatyapti (+video)
Ushbu turkumning navbatdagi, eng kutilayotgan o‘yini Assassin’s Creed: Kingdom nomi bilan chiqishi va unda janglar Skandinaviya hududida, vikinglar davrida bo‘lib o‘tishi aytilgan edi. Kuni kecha – 29 aprel kuni Ubisoft bergan rasmiy anonsga ko‘ra, uning nomi boshqacharoq – Assassin's Creed: Valhalla ekan. Undagi «Valhalla» («Valgalla») so‘zi esa Skandinaviya mifologiyasiga tegishli bo‘lib, «marhumlar makoni»ni anglatadi.
Ubisoft vikinglar haqidagi ushbu o‘yinning ilk rasmiy treylerini e’lon qildi:
Ekshen janriga mansub bo‘lgan Assassin's Creed: Valhalla o‘yini geymerlarga 2020 yilning kuzida, PlayStation 4, Xbox Series X hamda kompyuterlarda o‘ynash uchun taqdim etiladi. Yana uning kutilayotgan o‘yin pristavkalari – PlayStation 4 hamda Xbox Series X uchun ham tayyorlanayotgani aytilmoqda.
Mazkur dasturiy ta’minot ustida naq 14 ta o‘yin studiyasi ishlamoqda, bu esa Ubisoft uchun rekord ko‘rsatkich hisoblanadi. Taqqoslash uchun keltirib o‘tsak, Assassin's Creed: Odyssey o‘yinini «atigi» yettita studiya birgalikda tayyorlagan.
O‘QING: PlayStation 5 taqdimotining aniq kuni ham ma’lum – endi ko‘p kutmaymiz!