Epic Games иккита – хоррор ва экшен ўйинни 7 майгача текин тарқатяпти (+видео)
Турли ўйин студиялари ўз коронавирус пандемияси туфайли карантин шароитида кишилар уйларида қолишлари учун маҳсулотларини бепул тарқатишмоқда. Масалан, XXI асрнинг энг зўр ўйинларидан бирини 5 майгача олиб, бир умр бепул ўйнаш мумкин!
ЎҚИНГ: Hitman’нинг биринчи мавсумини бепул ва бутунлай олиб қўйишга шошилинг! (+видео)
Epic Games студияси яқинда энг оммабоп ўйинини Google Play расмий каталогига чиқарган эди. Энди эса у иккита видеоўйинни бепул тарқатмоқда.
Булардан биринчиси хоррор (қўрқув, даҳшат) жанридаги Amnesia: The Dark Descent номли ўйин бўлиб, унинг сюжети Даниэль исмли йигитнинг саргузаштларига асосланган. Қаҳрамон эски қасрда уйғониб, ҳеч нимани хотирлай олмаслигини пайқаб қолади. Ёнидан чиққан номада эса унинг қаср ертўласига тушиб, Александр Бренненбургскийни ўлдириши кераклиги ёзилган бўлади. Бироқ Даниэлни аллақандай Шарпа ҳам таъқиб этиб юради...
Иккинчиси эса Crashlands номли ўйин бўлиб, инди-экшен ва крафтинг хусусиятларига эга. Бу ўйин аслида 7,99 доллар туради, лекин ҳозирги акция кунлари мана бу ҳавола орқали уни мутлақо бепул олишингиз мумкин.
Одатда 9,99 доллар турадиган Amnesia: The Dark Descent ўйинини эса ушбу ҳавола ёрдамида текинга юклаб олсангиз бўлади. Ушбу икки ўйиннинг ҳам бепул берилиш вақти 7 май кунигча давом этади.
ЎҚИНГ: Gameloft юбилейи шарафига нақ 30 та Android-ўйинни бепул беряпти!
