Epic Games Store’дан иккита ўйинни бепул ва бутунлай олишга улгуринг! (+видеолар)
Шу кунларда кишилар ўз уйларидан заруратсиз чиқмасликлари учун турли ўйин студиялари ҳам ҳисса қўшишмоқда. Масалан, Android-смартфонларга иккита саргузашт ўйинни вақтинча бепул тарқатишяпти, яна Google Stadia сервисида икки ой пулсиз ўйнаш мумкин.
ЎҚИНГ: Пойгачи, қотил ва спортчи: оммабоп ва пулли учта ўйинни бепул ўйнашга улгуринг! (+видео)
Коронавирус пандемияси туфайли карантинда зерикиб қолмаслигингиз учун Epic Games Store сервиси яна иккита ўйинни бутундай бепул қилиб қўйди. Буларнинг биринчиси энг буюк изқувар Шерлок Холмс ҳақидаги саргузашт бўлса, иккинчиси стимпанк декорацияларига эга хоррор (даҳшатли) ўйиндир.
Frogwares студияси томонидан ишлаб чиқилган Sherlock Holmes: Crimes and Punishments (Шерлок Холмс: Жиноят ва Жазо) ўйинида изқувар бир қатор жиноятлар занжирини фош этиши керак бўлади. Унинг рақамли нусхасини бепул юклаб олиш учун ушбу ҳавола орқали ўтасиз.
ЎҚИНГ: Коронавирус ҳаттоки Mortal Kombat’га ҳам етиб келди! (видео)
Биринчи шахс номидан ўйналувчи Close to the Sun хоррор-ўйини Роуз Арчер исмли журналист қиз ўзининг йўқолган опасини излаб, Никола Тесла ясаган ҳаво кемасида йўлга отланади. Close to the Sun ўйинини ўз кутубхонангизга қўшиб қўйиш учун мана бу ҳавола ёрдамида ўтиб, «Получить» тугмачасини босасиз.
Эслатиб ўтамиз: юқоридаги иккита ўйиннинг бепул тақдим этилиши 16 апрель куни, Тошкент вақти билан соат 20:00 гача давом этади. Шунгача уларни олиб улгурсангиз, кейин ҳам бепул ўйнашда давом этаверасиз.
