Nokia 5.3 ва Nokia 1.3 тақдим этилди – «кризисга қарши» смартфонлар! (+видеолар)
HMD Global компанияси 19 март куни бир нечта смартфонларининг тақдимот маросимини ўтказди. Унда, жумладан, Nokia 5.3 ҳамда Nokia 1.3 моделлари намойиш қилинди.
ЎҚИНГ: Атиги 59 долларлик моделнинг давомчиси – Nokia’нинг ўта арзон 4G-смартфони тайёр!
Ушбу иккита моделни «кризисга қарши смартфонлар» деб аташмоқда; зеро, уларнинг нархи анчагина арзон. Nokia 5.3 – тўртталик камерага эга ҳамёнбоп қурилма бўлса, Nokia 1.3 ўта паст нархи ва олинувчи аккумулятори билан эътиборга лойиқ.
Ҳар иккала модел ҳам Android 10 талқинидаги операцион тизим билан чиқарилган. Nokia 5.3 девайси Android One дастури доирасида «тоза» тизимга эга бўлса, Nokia 1.3 смартфонида Android 10 (Go Edition) прошивкаси қўлланган. Шунингдек, HMD Global буларнинг иккаласини ҳам Android 11 талқинигача янгилашни ваъда қилган.
ЎҚИНГ: Энди энг арзон смартфонларга ҳам Android 10 ўрнатса бўлади!
Nokia 5.3 диагоналига 6,55 дюймлик, HD+ форматли (720х1600 пикселлик) экран билан жиҳозланган. Дисплейнинг томчисимон кемтигида 8 мегапикселлик селфи-камера ўрнатилган бўлса, бош камера датчиклари 13 + 5 + 2 + 2 мегапикселлик.
Ушбу смартфон Snapdragon 665 процессорига эга бўлиб, тезкор хотираси 4 ва 6, доимий хотираси эса 64 гигабайтлик вариантларда таклиф этилади. Аккумулятори 4000 мА/соатлик, бармоқ изи сканери орқа панелда.
Nokia 5.3 модели уч хил – феруза, графит ва қум рангларида, 2020 йилнинг иккинчи чорагидан сотувга чиқади. Унинг бошланғич – 4/64 гигабайтлик талқини учун 189 евро нарх белгиланган.
ЎҚИНГ: Redmi 8A рақиби – тоза Android’ли ва ўта арзон Nokia 2.3 чиқди (+видео)
Nokia 1.3 бўлса 5,7 дюймлик, HD+ форматли (1520х720 пикселлик) дисплейга эга, унинг олд камераси 5, асосий камераси эса 8 мегапикселлик якка сенсорлардан иборат. Смартфоннинг «электрон юраги» сифатида Snapdragon 215 чипсети танланган, унга 1 гигабайтлик «оперативка» ҳамроҳлик қилади. Смартфоннинг доимий хотираси 16 гигабайтлик бўлиб, корпусдан олинадиган (ҳозирда бунақаси кам) батареяси 3000 мА/соатлик ток сиғимига эга.
Nokia 1.3 ҳам иккинчи чоракда уч хил – феруза, графит ва тилларанг корпусларда, 95 евродан сотила бошлайди.
ЎҚИНГ: DxOMark: Бу ҳамёнбоп смартфон камера бобида Nokia 9 PureView флагманига тенг!
