Xiaomi директори: «Йўқ, Mi 6S модели чиқмайди!» Хўш, ўрнига-чи?
Куни кеча Geekbench сервисида Xiaomi Mi 6S смартфони текшириб кўрилгани ҳақида маълумот чиққанди. Snapdragon 835 процессорли ушбу моделнинг Mi Mix 3 флагмани ҳамда Mi Note 4 (яна бир номи – Xiaomi LEX) фаблети билан бирга тақдим этилиши ҳам тахмин қилинганди.
ЎҚИНГ: Xiaomi’нинг янги – Mi 6S смартфони: ҳамёнбоп, аммо Snapdragon 835 чипли ва Android 9 тизимли!
Аммо кеча – 15 октябрь куни Xiaomi компаниясининг мобил маҳсулотлар маркетинги бўйича директори Mi 6S русумли смартфон чиқарилишини инкор қилди. Бу ҳақда у Weibo тармоғидаги ўз аккаунтида хабар берган.
Mi 6S модели чиқмаслигини таъкидлар экан, директор Geekbench’да янгигина текшириб кўрилган қурилма ҳақида бирор изоҳ ҳам бермаган. Шунга қараганда, ё бунақа телефон умуман чиқарилмайди, ё бошқа ном билан тақдим этилади. Бу борадаги янгиликлардан биринчилар қаторида бохабар бўлиш учун бизни кузатишда давом этинг.
Xiaomi’нинг бир қатор русумлардаги смартфонлари, шу шумладан «Тезкорлик устаси» дея тавсифланувчи арзон флагмани – Pocophone F1 ҳам Terashop.uz интернет-дўконимизда расмий кафолат билан сотилмоқда. Уларга онлайн тарзда буюртма бериш, ўзингизга қулай усулда тўлов қилиш имкониятлари ҳамда Ўзбекистон бўйича бепул элтиб берилиши сизга маъқул келади.
