Xiaomi’нинг кейинги бестселлери: 6,8 дюйм, IP67 ҳимояси, Snapdragon 675 чипи, 5500 мА/соатлик аккумулятор! Нархи эса...

«Хитойча Apple» турли-туман ҳамёнбоп смартфон моделлари билан ҳайратлантиришда ва қувонтиришда давом этмоқда. Igeekphone ресурси унинг ўрта нархли навбатдаги модели ҳақидаги маълумотларни эълон қилди.

ЎҚИНГ: Xiaomi’нинг яна бир арзон флагмани – Pocophone F2 ҳам Geekbench’да «қўлга тушди»: ҳаммаси зўр, лекин... (+«жонли» сурат!)

Тўғри, бу қурилманинг айнан қайси модел тарзида бозорга тақдим этилиши ҳозирча аниқ эмас, суратлари ҳам инсайдерлар маълумотлари асосида тайёрланган. Бироқ Xiaomi’дан айнан шундай смартфонни кутса бўлади.

Хулласи калом, ушбу гаджет Samsung томонидан ишланган AMOLED матрицали, диагоналига 6,8 дюймлик экран билан жиҳозланган. Унинг томонлари ўзаро 19.5:9 нисбатда бўлиб, корпус олд юзасининг 90,3% қисмини эгаллайди. Дисплейнинг тасвир аниқлиги 2340х1080 пикселлик бўлиб, устига Gorilla Glass 6 ҳимоя шишаси ётқизилган.

Бироқ экраннинг ўзига хосликлари шуларнинг ўзи билангина тугамайди: Xiaomi унга бармоқ изи датчигини ҳам интеграция қилган. Бундан ташқари, смартфон On-Screen Sound технологиясига эга, яъни, сўзлашув динамиги ўрнига экраннинг ўзидаги тебранишлар орқали товуш чиқарилади!

Тағин селфи-камера ҳам дисплейнинг юқори қисми ўртасидаги «тирқиш»га жойланади ва у 24 мегапикселлик аниқликда суратлар ола билади. Олд камера диафрагмаси F/2,0 бўлиб, унинг студияли ёритқичларга ва турли бьютификаторларга эга портрет режимини ҳам қўллаб-қувватлаши айтилмоқда.

ЎҚИНГ: Реклама кўрсатгани учун Xiaomi биттагина сиздан қанча пул топаётганини биласизми?

Смартфоннинг асосий камераси эса уч модулли: 20, 16 ва 8 мегапикселлик сенсорлар тегишлича F/1,6, F/1,8 ҳамда F/1,9 диафрагмаларга эга. Бош камера фазали автофокус ва тасвирни оптик барқарорлаштириш тизими билан таъминланади.

Булардан ташқари, Xiaomi мазкур смартфонининг корпусини IP67 стандартига кўра чанг ва нам киришидан ҳимоялаган. Унда қулоқчин учун стандарт 3,5 миллиметрлик аудиотирқиш ҳам бўлади.

Гаджетнинг самарадорлигини Qualcomm Snapdragon 675 процессори таъминлайди, уни тезкор хотираси 6 ва 8 ГБ, доимий хотираси эса 64, 128 ва 256 ГБлик талқинларда ишлаб чиқаришади. Нақ 5500 мА/соатлик аккумулятори эса 25 ваттлик симли ва 20 ваттлик симсиз усулларда тезкор қувватлана олади.

Igeekphone манбасина кўра, Xiaomi бир қатор афзалликларга эга бўлаётган ушбу смартфонини атиги 255 доллардан бошланувчи нархларда сотмоқчи. Эслатиб ўтамиз, мазкур компаниянинг энг арзон Redmi Go ҳамда «ёнғоқчақар» Redmi Note 7 смартфонларини, шунингдек, илк тугмачали телефони – Xiaomi Qin 1s моделини ҳам Terashop.uz интернет-дўконимиздан сотиб олиш мумкин.

ЎҚИНГ: Xiaomi смартфонлари энди қимматлайди – буни шахсан компания бош директори айтди!