Xiaomi рекордчи экран ва Dimensity 1000+ чипли ҳамёнбоп флагман тайёрламоқда
Weibo тармоғида DigitalChatStation никли инсайдернинг ёзишича, Xiaomi кенг истеъмолчилар оммасига мўлжалланган ўрта нархли смартфон тайёрламоқда. Ҳамёнбоп бўлса-да, унда кадр янгиланиш частотаси нақ 144 герцлик дисплей қўлланади, бу эса мазкур компания учун рекорд кўрсаткичдир.
ЎҚИНГ: Дунёдаги энг арзон 5G-смартфонни Huawei тақдим этди!
«Хитойча Apple» кутилаётган ушбу қурилмасининг «электрон юраги» тарзида MediaTek компаниясининг Dimensity 1000 Plus русумли флагман процессорини танлаган. Биринчи бор IQOO Z1 5G ўйинбоп флагманида қўлланган янги чипсетнинг илғор хусусиятларидан бири – у бир вақтнинг ўзида 5G тармоғида ишловчи иккита SIM-картани қўллаб-қувватлайди. Ҳозиргача энг кучли чипсоз – Qualcomm ҳам, Samsung ёки Huawei ҳам бунақа мобил процессор яратган эмас.
DigitalChatStation рекордчи экранга эга смартфоннинг қандай ном билан чиқарилишини айтмаган. Бироқ флагман процессори билан ҳам ўрта нарх тоифасига мансуб қурилма бўлса, унинг Redmi бренди остида тақдим этилиши мантиққа мос. Эҳтимол, бу навбатдаги «Killer» – Redmi K туркумидаги янги флагман бўлиб чиқар.
ЎҚИНГ: Xiaomi ва Redmi смартфонларини 31 майгача янада арзон олишингиз мумкин!
