2018 йил якунлари: Huawei барибир Apple’ни ортда қолдирди!
Жорий йил охирлаб бораётган шу кунларда таҳлил компаниялари аллақачон технологиялар ва гаджетлар борасидаги якунларни чиқара бошлашди. Уларга кўра, Huawei смартфонлар бозорида Apple’ни қувиб ўтиб, иккинчи рақамли смартфонсоз бўлди.
ЎҚИНГ: Huawei 200 миллионлик рекорд ўрнатиб, буни иккита махсус смартфон чиқариш билан нишонлаяпти!
Айтиш керакки, Huawei истеъмолчиларга нафақат ўрта нарх тоифасидаги ва ҳамёнбоп смартфонлар, балки ажойиб флагманлар ҳам етказиб бераётир. Хитойлик техногигант 2017 йилда жами 153 миллионта «ақлли телефон» сотган бўлса, бу йил мазкур кўрсаткич 200 миллионга етди – ахир, бу 30 фоизлик ўсиш, дегани!
Gsmarena.com нашрининг таъкидлашича, Huawei Technologies’нинг бундай ютуққа эришувида P20 туркумидаги смартфонларнинг ҳиссаси катта.
Умуман, мазкур компаниянинг телефонлари Хитойнинг ўзидан ташқари Европа ва Африка бозорларида жуда оммабоп. Осиё бозорларида ҳам унинг ўрни чаккимас, фақат АҚШ ҳукумати билан келишмовчиликлар бўлганлиги боис океан ортида хитойлик гигантнинг омади келмаяпти. Қўшма Штатларда бу компания маҳсулотлари тақиқланди, ҳукумат Huawei’нинг молиявий директорини ҳибсга олди... Аммо охир-оқибатда у барибир Apple’дан устун келди!
Шу тариқа, 2018 йили дунё бўйича смартфонлар бозорида биринчи ўринда Samsung, иккинчи ўринда Huawei, учинчи ўринда эса Apple кетмоқда. Уларнинг айрим русумлардаги смартфонларини эса Terashop.uz интернет-дўконимиздан онлайн усулда харид қилиш мумкин – бунинг учун юқорида компаниялар номларига ўрнатилган ҳавола устига боссангиз бас.
ЎҚИНГ: AnTuTu: Андроид-смартфонларнинг янги «қирол»и чиндан ҳам Apple’нинг сўнгги флагманларидан зўрми?
