Apple – АҚШ ғурури, лекин рейтингда кучли учликни бошқа компания смартфонлари банд этди!

American Customer Satisfaction Index (ACSI) ташкилоти фойдаланувчиларнинг ўз смартфонларидан қониққанлик даражасини аниқловчи йиллик тадқиқот натижасини эълон қилди. Унда кутилмаган кўрсаткичлар акс этган.

ЎҚИНГ: Apple бош акционери ҳам, ниҳоят, Samsung тугмачали телефонини ташлаб iPhone олди, лекин...

Маълум бўлишича, америкаликлар умумий ҳисобда миллий компания – Apple смартфонларини кўпроқ яхши кўришар экан. ACSI сўровномасида бу компания бултур 100 баллик тизимда 81 балл олган бўлса, бу йил мазкур кўрсаткич 82 баллга етган. Унинг ашаддий рақиби – Samsung эса жорий йилда 81 баллик натижага эришган. Фойдаланувчилар кўпроқ iPhone 11 ҳамда iPhone 11 Pro моделларининг автономлиги оширилганидан мамнун эканликларини таъкидлашган.

Лекин ҳар бир моделдаги смартфондан эгалари қониқиш ҳосил қилганлиги бўйича рейтингга келганда, Samsung смартфонлари барча iPhone’ларни ортда қолдирган! Мана, рўйхатга назар соламиз:

Кўриб турганингиздек, эгасининг қониқиш ҳосил қилиши рейтингида Samsung Galaxy Note 9 фаблети 85 балл билан етакчи бўлган. Иккинчи ва учинчи ўринларни ҳам шу компаниянинг тегишлича Galaxy S9+ ҳамда Galaxy S10 смартфонлари, бир хилда 84 балл билан банд этган.

Айтиш керакки, iPhone XS Max ҳам улар билан тенг кўрсаткич намоён этган. Ўтган йилги айфонлардан iPhone 11 ҳамда iPhone 11 Pro Max моделлари 82 балл олган бўлса, iPhone 11 Pro модели 81 баллик кўрсаткичга эга.

ЎҚИНГ: Apple раҳбари iPhone SE 2020’нинг исталган Android-смартфондан асосий афзаллигини маълум қилди