2020 йилда Apple бунчалик кўп моделларда янги iPhone’лар чиқаришини ҳеч ким кутмаганди!
Купертинолик гигант кейинги йил тарихдаги энг йирик ҳамда ўта ихчам iPhone’ларни чиқариши маълум, улар орасида iPhone SE 2 модели ҳам бор. Минг-Чи Куо эса Apple келаси йил беш хил янги айфон, сўнг «металл совун» ва iPhone SE 2 Plus ҳам тақдим этишини айтган.
ЎҚИНГ: Ҳамма кутаётган iPhone SE 2 бошқача ном билан чиқади! Тағин нархиям...
Энди эса Rosenblatt тадқиқот компанияси янги прогнозини тақдим этди: унга кўра, 2020 йили бешта эмас, нақ еттита моделда янги айфон чиқади! Улардан биринчиси, кутилганидек, iPhone SE 2 (ёки, айрим миш-мишларга кўра, iPhone 9) бўлиб, биринчи чоракда намойиш этилади. Ушбу айфон 5,1 дюймлик дисплей, якка модулли камера ва янги A13 процессорига эга.
Кузда эса Apple нақ олтита версияда iPhone 12 намойиш этади ва улар қуйидагилардир:
iPhone 12 4G – 6,1 дюймлик LCD- экранга ва қўш камерага эга;
iPhone 12 Pro 4G – 5,4 дюймлик OLED- экранга ва қўш камерага эга;
iPhone 12 Pro 5G – 5,4 дюймлик OLED-дисплейга ва қўш камерага эга;
iPhone 12 Pro Plus 4G – 6,1 дюймлик OLED-дисплейга ва уч модулли, Time-of-Flight 3D датчикли бош камерага эга;
iPhone 12 Pro Plus 5G – 6,1 дюймлик OLED-экранга, уч модулли камерага ва ToF датчикка эга;
iPhone 12 Pro Max 5G – 6,1 дюймлик OLED-панелга, уч модулли камерага ва ToF датчикка эга.
Айтиб ўтиш ўринлики, кўпчиликдан фарқли равишда, Rosenblatt таҳлилчилари iPhone SE 2 муваффақиятига унча ишонишмаяпти. Уларнинг фикрича, мазкур ихчам смартфон iPhone 11’дан ўзиб кета олмайди.
ЎҚИНГ: iPhone 11’ларнинг тақдимотда Apple айтмаган бешта камчилиги
