Apple шу ойда яна иккита ҳамёнбоп айфон чиқаради, улардан бири iPhone SE 2 бўлиши мумкин!
Купертинолик гигантнинг 2016 йили тақдим этилган iPhone SE смартфонининг янгиланган модели бу йил чиқиши мумкинлиги борасида жуда кўп хабарлар тарқалган эди. Унинг турли «жонли» суратлари ва видеоларигача чиққанди, аммо Apple’нинг ёзги тадбирида уларнинг бари бекор гап бўлиб чиқди.
ЎҚИНГ: Ромсиз iPhone SE 2: ушалмас орзуга айланди
Лекин охирги кунларда аниқланган баъзи маълумотлар купертинолик гигантнинг 2018 йилда яна иккита iPhone чиқаришидан далолат бераётир. iOS 12.1 бета-версиясининг прошивка кодини ўрганиб чиққан дастурчи Гильерме Рэмбо унда иккита янги айфонга ишора борлигини аниқлади.
Ушбу иккита – iPhone 9,8 ва iPhone 9,9 моделларининг идентификатори шу пайтгача чиққан бирорта iOS версиясида йўқ эди. Яқинда тақдим этилган iPhone XS, iPhone XS Max ва iPhone XR эса iOS кодида «iPhone 11» тарзида эсланган. Демак, топилган янги идентификаторлар энди намойиш этиладиган айфонларга тегишли.
Дарвоқе, аниқланган идентификаторларнинг тартиб рақами Apple флагманлариникидан паст. Бу эса янги смартфонларнинг улардан пастроқ – ўрта нарх тоифасига мансуб эканлигидан далолатдир.
ЎҚИНГ: iPhone ва iPad қувватини тежашнинг осонгина йўли топилди!
Янги айфонлар чиқишидан далолат берувчи яна бир ҳолат: iPhone XS, iPhone XS Max ва iPhone XR моделларини тақдим этгач, Apple компанияси бирйўла иккита смартфони – iPhone X ҳамда iPhone SE’ни савдодан олиб ташлади. Гап шундаки, бултурги – юбилей суперфлагмани янги флагманлар савдосига халақит бериши мумкин эди, энди харидорлар унинг ўрнига бу йилги флагманлардан олишлари мумкин. Аммо савдодан олинган iPhone SE ўрнига шундай ҳамёнбоп айфон ҳозирча чиқарилмади – демак, унинг яқин орада тақдим этилиши мантиқан тўғри.
Apple корпорацияси октябрнинг охирида iPad Pro 2018 тақдимотига бағишланган яна битта кўргазма ўтказади. Янги – ҳамёнбоп айфонлар ҳам шу тадбирда намойиш этилиши мумкин.
Сентябрда тақдим этилган айфонларни ва купертиноликнинг бошқа айрим моделлардаги смартфонларини Terashop.uz интернет-дўконимиздан қулай нархларда, онлайн усулда харид қилиш имконияти мавжуд. Бунда уйингиз ёки офисингиздан чиқмасдан туриб онлайн буюртма бериш, ўзингизга қулай усулда тўлов қилиш, ҳақини товар қўлингизга текканидан кейин тўлашингиз мумкинлиги каби имкониятлар сизга ҳам маъқул келишига ишонамиз.
