Apple тасодифан расмий сайтида iPhone 9’ни намойиш этди!
Купертинолик техногигант 12 сентябрдаги тадбирида турли гаджетлари қаторида учта моделдаги янги смартфонларини ҳам намойиш этмоқчи. Лекин уларнинг суратлари, нарх ва хусусиятлари ҳақидаги маълумотлар тарқалиб улгурган. Ҳатто онлайн дўконлар аллақачон уларга буюртма ҳам қабул қила бошлашган.
ЎҚИНГ: Ҳали расман намойиш этилмаган янги iPhone’ларни ҳозироқ харид қилиш мумкин!
Энди эса Apple корпорациясининг ўзи ҳам янги – iPhone 9 моделини билмасдан ўз сайтида чиқариб юборди. Аниқроғи – компания ходимлари хатолик туфайли ушбу тайёр саҳифани оммавий қилиб қўйишган, кейин буни пайқаб қолиб, тезда яна яширишган. Аммо бунгача чаққон кузатувчилар ундан скриншот олиб улгуришган. Шунинг шарофати билан сизу биз энди Apple’нинг бу йилги ҳамёнбоп айфони аввал айтилганидек iPhone XC эмас, балки iPhone 9 деб номланишини аниқ билиб олдик.
Мана ўша саҳифадан олинган суратлардан бири:
Демак, LCD-дисплейга эга мазкур смартфон камида беш хил тусдаги корпусларда чиқарилади, улардан Spicy Оrange ва Cobalt Blue янги ранглар ҳисобланади. Аввалроқ ушбу моделнинг уч хил тусдаги корпусга эга намуналари «жонли» суратларда (фақат бошқа ном остида) намойиш этилганди.
ЎҚИНГ: Учта рангдаги ҳамёнбоп iPhone XC’ни илк «жонли» суратларда кўрамиз!
Шунингдек, iPhone 9 модели 18 ваттлик тезкор қувватлаш функциясига ҳам эга бўлиши кутилмоқда. Зеро, смартфонга мос келувчи аксуссуарлар рўйхатида USB-C 18W қувватлаш адаптери ҳам кўрсатилган.
Бундан ташқари, Apple сайтида энди iPhone 9, iPhone X, iPhone XS ва iPhone XS Plus моделларини ўзаро солиштириш имконини берувчи махсус саҳифа ҳам бўлади.
Купертинолик техногигантнинг шу пайтгача бозорга тақдим этган аксарият айфонларини эса мана бу ҳавола орқали Terashop.uz интернет-дўконимизда, тегишли муддатли кафолати билан онлайн харид қилишингиз мумкин.
