Беш камерали Nokia 9 нима бўпти – Sony саккизта камерали смартфон тайёрлаяпти!

DiMaX
1443
11.06.2019 12:44

Ҳозиргача тақдим этилган энг «серкамера» телефон – шу йил февралда чиққан Nokia 9 PureView фотофлагмани бўлади. Sony эса унга рақобатчи, ўзиям жами нақ саккизта камерага эга смартфон устида ишламоқда.

ЎҚИНГ: Ана бўлмасам! Nokia 9 PureView’ни сақич қоғози билан бузиб киришди!

Max J никли инсайдер ўзининг Twitter-саҳифасида берган хабарга кўра, бу – Xperia брендига мансуб камерофонлардан бири бўлиши мумкин. Мазкур флагманнинг бош камераси олтита, селфи-камераси эса иккита тасвир датчигини ўз ичига олади.

I heard #Sony is working on a new #Xperia Smartphone featuring a total of six lenses on it's rear as well as two cameras on the front.

The device is still in development which means that specs and further things are still unknown.

!CONCEPT BASED ON IMAGINATION! pic.twitter.com/mJ83LSNzAc
— Max J. (@Samsung_News_) 10 июня 2019 г.

Айтиш керакки, бу – Sony смартфонининг бош камераси модуллари қандай жойлашуви борасидаги концептдир, якуний дизайнда улар бошқачароқ жойлашиши ҳам мумкин.

ЎҚИНГ: Xiaomi аллақачон Nokia 9 PureView каби пентакамерали смартфон тайёрлабди – унда олинган суратни кўринг!

Sony смартфонидаги камералар қандай датчиклар бўлиши ҳақида ҳозирча бирор маълумот йўқ. Афтидан, уларнинг ярми анъанавий тарзда асосий модул, кенг бурчакли камера ва телефотообъективли сенсор бўлса керак. Уларга яна уч ўлчамли сканерловчи ToF-сенсор қўшилиши мумкин, бошқа иккита модул эса сирлигича қолаётир.

Шунингдек, жами саккиз камерали Xperia камерофонининг техник хусусиятлари, тақдимот вақти ҳамда нархи ҳам номаълум.

Смартфоннинг камерасига жиддий талаблар қўювчи муштарийларимизга эса Terashop.uz интернет-дўконимиздаги айрим камерофонларни тавсия этишимиз мумкин. Масалан, хитойлик техногигантнинг DxOMark сервисида рекорд ўрнатган флагманлари – учталик камерали Huawei P30 ҳамда тўртталик камерали P30 Pro моделларини харид қилиш имкони мавжуд. Шунингдек, энг кучли камерофонлардан ҳисобланмиш – жанубий кореяликларнинг Samsung Galaxy S10 ҳамда Galaxy S10+ флагманларини ҳам сотиб олиш мумкин. Агарда буларни қиммат, десангиз, у ҳолда «халқпарвар» компаниянинг Xiaomi Mi 9 флагманини харид қилиш ёки нақ 48 мегапикселлик камерага эга бўлган дунёдаги илк смартфон – Redmi Note 7 моделидан сотиб олиш каби вариантлар мавжуд.