Galaxy Buds симсиз қулоқчини тақдим қилинди – у Galaxy S10 флагманидан симсиз қувватлана олади!
Samsung Electronics компанияси 20 февраль куни Сан-Франциско шаҳрида Galaxy Unpacked тадбирини ўтказди. Унда Galaxy S10 юбилей флагманлари, Galaxy Fold буклама смартфони ҳамда Galaxy Watch Active смарт-соатидан ташқари яна бир қатор девайсларини ҳам намойиш қилди.
ЎҚИНГ: Samsung юбилей флагманлари – Galaxy S10, Galaxy S10+ ва Galaxy S10e смартфонларини намойиш этди!
Samsung Galaxy Buds – қулай шаклга ва ихчам (17,5х19,2х22,3 мм) ўлчамга эга, овозни AKG технологиялари бўйича сифатли узатувчи смисиз қулоқчиндир. Ундаги Ambient Sound режимида сиз қулоқчиндан чиқаётган овоздан ташқари, атрофингиздаги товушларни ҳам эшитаверасиз.
Қулоқчиннинг ҳар бир бўлаги 58 мА/соатлик аккумуляторга эга, бу эса Bluetooth орқали уланганча 5 соатгача телефонда суҳбатлашишга ёки узлуксиз 6 соат мобайнида мусиқа тинглашга етади.
Galaxy Buds’нинг ихчам ғилофи қулоқчинни сақлаш ва аккумуляторини қувватлаш учун қўлланади. Унинг ўзи 252 мА/соатлик батареяга эга бўлиб, атиги 15 дақиқа ичида қулоқчинни 1,7 соат ишлашга етарли миқдорда қувватлайди.
Шунингдек, янги қулоқчиннинг асосий ўзига хосликларидан бири Samsung Galaxy S10 смартфонидан симсиз қувватлана олишидир. Galaxy Buds, булардан ташқари, Bluetooth 5.0 модуллари, акселерометр, Холл ва яқинлашув датчиклари ҳамда бошқариш учун сенсор панеллар билан таъминланган.
Мана, Samsung Galaxy Buds расмий видеоролигини томоша қиламиз:
Samsung компанияси Galaxy Buds қулоқчинини АҚШ бозорига 8 март куни чиқаради ва унинг нархи 130 доллардан бошланади. Гаджетнинг Европадаги савдоси эса 29 апрелдан бошланади, лекин мазкур мамлакатларда у нақ 150 евро туради.
Бизнинг Terashop.uz интернет-дўконимизда эса турли қулоқчинларни атиги 59 000 сўмдан бошланувчи нархларда сотиб олиш мумкин. Айниқса, шу кунларда – акция доирасида бу харидингиз янада ёқимли ва манфаатли бўлади.
ЎҚИНГ: Фақат бойлар учун: Louis Vuitton High Snobiety – нақ минг долларлик қулоқчин!
