Ҳали намойиш этилмаган Redmi 7 Pro илк «жонли» суратларда, қадоғи билан!

«Хитойча Apple» ўзининг ҳамёнбоп Redmi 7 туркумидаги учта смартфонини аллақачон сертификатлаб улгурган. Булар орасида Redmi 7 Pro модели энг илғори бўлиши кутилмоқда.

ЎҚИНГ: Xiaomi сир тутаётган, мутлақо ромсиз Redmi 7 Pro: суратлари, нархи ва техник жиҳатлари!

Инсайдерлар ушбу Redmi 7 Pro моделининг илк «жонли» расмларини эълон қилишди. Ҳар иккаласида ҳам мазкур қурилма ёнида қутиси билан бирга суратга олинган.

Агарда юқоридаги фотосурат ҳақиқий бўлиб чиқса, у ҳолда Xiaomi Redmi 7 Pro экрани анча юпқа ромларга ва томчисимон «кемтик»ка эга экан.

ЎҚИНГ: 250 долларлик Redmi Note 7 Pro: бешта камера, 6 дюймлик экран, Snapdragon 710 чипи ва 4200 мА/соатлик батарея!

Иккинчи расмда эса смартфоннинг ўзи ҳам, қадоғи ҳам аниқ-тиниқ кўринган. Аммо буниси ҳам олд томонидан олинган бўлиб, Xiaomi Redmi 7 Pro корпусининг орқа панели қанақа эканини ҳозирча билолмаймиз.

Дарвоқе, ёшларбоп Xiaomi Play смартфони кейинги ҳафтадаёқ намойиш этилади, унинг расмий суратларини ҳам эълон қилганмиз. Компаниянинг аллақачон жаҳон бозорига чиқарган турли смартфонларини эса Terashop.uz интернет-дўконимиз орқали 809 000 сўмдан бошланувчи нархларда сотиб олиш имкони мавжуд.

ЎҚИНГ: Mi 8 Pro ҳам Terashop.uz’га етиб келди, Xiaomi смартфонлари арзонлашди (2018 йил 12 декабрь) – харидингиз Ўзбекистон бўйлаб бепул етказилади!