Huawei биринчи марта Qualcomm’ни ортда қолдирди, лекин...

Куни кеча биз Хитой смартфон бозорида компаниялар улушига оид сўнгги маълумотларни эълон қилган эдик. CINNO research таҳлил компанияси эса ушбу мамлакатда сотилаётган смартфонлардаги процессорлар статистикасини тақдим этди.

ЎҚИНГ: Энг зўр процессорли энг арзон 5G-флагман мутлақ рекорд ўрнатди!

Унга кўра, Huawei компаниясининг чипсетлар ишлаб чиқарувчи бўлинмаси – HiSilicon мобил процессорлар етказиб бериш бўйича кейинги йилларда илк бор Qualcomm’дан ўзиб кетган. 2020 йилнинг биринчи чораги натижаларига кўра, миллий чипсоз ушбу даврда энг йирик процессор етказиб берувчи бўлган.

HiSilicon мазкур чоракда ушбу бозорнинг 43,9 фоизини эгаллаган; бир йил аввал бу кўрсаткич 24,3 фоизга тенг эди. Qualcomm ҳиссаси эса бир йилда 32,8 фоизгача тушиб кетган. MediaTek компаниясида ҳам пасайиш кузатилади – Хитойдаги смартфонларнинг 13,1 фоизида тайванлик чипсоз процессорлари қўлланмоқда. Хитой бозоридаги смартфонларнинг 8,5 фоизида Apple процессорлари қўлланаётган экан.

Gizchina нашрининг таъкидлашича, HiSilicon’нинг бу муваффақияти фақатгина шу компания смартфонлари савдосининг ошгани билан боғлиқ. Яъни, бозордаги улушнинг ортиши смартфонсозлар Qualcomm ўрнига Kirin процессорларини танлай бошлаганини англатмайди.

Дарвоқе, хитойлик техногигант компьютерлар бозорига Windows’нинг «кушанда»сини ҳам чиқаряпти. Шунингдек, ишлатилса ҳам нархини кўп йўқотмайдиган смартфонлар топ-ўнталигидаги нақ еттита ўринни айнан Huawei ва унинг Honor брендига мансуб моделлар банд этган.

ЎҚИНГ: Apple раҳбари iPhone SE 2020’нинг исталган Android-смартфондан асосий афзаллигини маълум қилди