iPhone 13 – футуристик слайдерни «жонли» видеода кўрамиз!
Смартфонларнинг форм-факторлари борасида айрим компаниялар турли ечимлар излаётган бўлса-да, Apple фақат моноблок шаклидаги айфонлар чиқариб келаётир. Бироқ унинг буклама iPhone учун патент олгани, унинг учун Samsung’дан қайишқоқ дисплейлар сотиб олаётгани маълум.
ЎҚИНГ: Apple «сувости айфони» ва яна кўплаб антиқа технологиялар тайёрламоқда!
Яна бир – слайдер форм-факторли iPhone 13 концептини bat.not.bad никли дизайнер намойиш этди. Муаллифнинг ғояси бўйича, смартфоннинг асосий дисплейи икки томонга ҳам сурилиши мумкин. Уни чап томонга сурганда, ўнг томонда қўшимча экран очилади ва унда қўшимча имкониятлардан фойдаланиш мумкин бўлади. Шунингдек, айфоннинг орқа томонидаги уч модулли камера блоги ҳам бош экран чапга сурилганида очилади. Дисплейни ўнгга сурсангиз, катта қўшимча экранда бошқарув ва бошқа имкониятлар акс этади.
Apple ҳали-вери букланувчан ёки слайдер форм-факторли iPhone тақдим этмаса керак, экспертларнинг фикрича, бу камида 2022 йили юз беради. Келаси йил эса купертинолик корпорация тарихдаги энг йирик ва ўта ихчам смартфонларини чиқаради.
