iPhone ва iPad’лар учун Telegram ҳам 4.9.1 версиясида тақдим этилди!

Бугун – 2018 йилнинг 27 августида Telegram мессенжери жамоасидан хушхабарлар келишда давом этмоқда. Аввал унинг Android-иловаси, кейин эса Telegram Desktop дастури янгиланганди, энди эса iOS-клиенти ҳам янги талқинда чиқди.

ЎҚИНГ: Сбербанк Telegram’ни вирус, деб эълон қилди

Apple мобил қурилмалари ишқибозлари энди ўз девайсларидаги Telegram иловасини янгилаб олиб, қуйидаги янги имкониятлардан баҳра олишлари мумкин:

1. Алоҳида созламаларга эга ёзишмаларни янада қулай кўриш учун билдиришномалар созламаларида янги бўлим ишга тушган.
2. Telegram Passport энди кўплаб маълумотларни, шу жумладан, ҳужжатларнинг таржима қилинган версияларини ҳам қўллаб-қувватлайди.
3. Telegram Passport’да маълумотларнинг муҳофазаси кучайтирилган.
4. Telegram Desktop орқали маълумотларни экспорт қилиш имконияти пайдо бўлган.

iOS-гаджетларга 4.9.1 талқинидаги Telegram мессенжерини мана бу ҳавола орқали ўрнатиб олиш мумкин.

ЎҚИНГ: Telegram узоқ кутилган муҳим функцияга эга бўлади