Meizu 17 тақдимотдан аввал AnTuTu’да: лидер эмас, лекин ТОП-ўнталикда!
Ҳамёнбоп ва сифатли смартфонлари билан Xiaomi’нинг асосий рақибларидан ҳисобланган Meizu компанияси яқин орада янги флагманлар оиласини тақдим этади. Унга стандарт Meizu 17 (ёки Meizu 17th) ҳамда Meizu 17 Plus (ёки Meizu 17th Plus) моделлари киради.
ЎҚИНГ: Meizu ёки Xiaomi: кимнинг смартфони яхшироқ?
Куни кеча AnTuTu бенчмаркида компаниянинг кодли номи M2081 бўлган қурилмаси тестдан ўтказиб кўрилган. Афтидан, бу базавий Meizu 17 смартфони бўлса керак.
Имтиҳонда бу флагман 580 581 балл тўплаган; бу эса AnTuTu сервисининг 2020 йил март ойидаги энг қудратли флагманлар рейтингида рақиб компаниянинг Xiaomi Mi 10 ва Xiaomi Black Shark 3 флагманлари кўрсатганидан юқори натижа! Эслатиб ўтамиз, мазкур ўнталик етакчиси – Oppo Find X2 Pro флагмани 606 389 балл олган. Аммо энг кучли смартфонларни аниқлаган AnTuTu глобал рейтингига Хитой бозоридаги энг кучли ўнта флагмандан бирортаси ҳам кирмаган.
Афтидан бенчмаркда Meizu 17 флагманининг муҳандислик прототипи текширилган бўлса керак, расмий тақдимотдан сўнг унинг натижаси янада юқори бўлиши мумкин. Хабарларга кўра, ушбу смартфон 5G-модемни ўз ичига олувчи Snapdragon 865 процессорига, кадр янгиланиши 90 герцлик OLED-дисплейга эга. Уни энг сўнгги ва самарадор – LPDDR5 туридаги тезкор ва UFS 3.0 тоифали ички хотира чиплари билан таъминлашяпти. Смартфон жамланмасида яна Wi-Fi 6 интерфейси, NFC-модул, дисплейга ўйилган олд камера ҳамда тўрт (ёки ҳатто беш) датчикли асосий камера мавжуд
Дарвоқе, унинг «оға»си – Meizu 17 Plus бошқа бир жиҳатдан энг кучли рекорд ўрнатганки, бунақаси ҳали етакчи компанияларнинг тушига ҳам кирмаган...
ЎҚИНГ: Ўз эгаларини рози қилган ТОП-10 смартфон (AnTuTu рейтинги, 2020 йил февраль)
