Meizu ғалати эълон тарқатди: янги смартфон тақдимотими?
Ўзининг ғайриоддий тақдимот таклифномалари билан танилган компаниялардан бири Meizu бўлади. Масалан, 8 августдаги флагман смартфони тақдимоти таклифномасига гўшт қўшиб тарқатган бўлса, Meizu Note 8 намойиши чорловига нимча ҳам қўшиб берган.
ЎҚИНГ: Meizu ҳам буклама смартфон тайёрлаяпти – у бетакрор конструкцияга эга!
Meizu куни кеча тарқатган эълонга кўра, яқин орада ушбу компания қизиқ бир янги маҳсулотини тақдим этмоқчи. Агарда ушбу ишлаб чиқарувчи сўнгги флагманини 2018 йил октябрда намойиш этганини ҳисобга олсак, бу маҳсулот айнан смартфон бўлишини кутиш ўринли.
Ўтган ойда Meizu компаниясининг номаълум янги смартфони M923Q модел рақами остида сертификациядан ўтган эди. Манбаларга кўра, унинг тақдимоти 2019 йилнинг энг бошига режалаштирилган. Эҳтимол, яқин орада айни шуни кўрармиз.
