«Миллионлар орзуси» – iPhone SE 2 (iPhone 9) илк «жонли» расмда!
Apple корпорацияси миллионлаб кишилар кутаётган iPhone SE 2 смартфонини iPhone 9 номи билан чиқариши маълум. Яқинда унинг ташқи кўринишини ғилофсоз компания «сотиб» қўйган, биз унинг қойилмақом реклама ролигини эълон қилган эдик.
ЎҚИНГ: Apple расмий сайтида ҳали тақдим этилмаган, кемтиксиз iPhone «қўлга тушди»!
ITHome нашри инсайдерлари iPhone SE 2 моделининг биринчи «жонли» суратини тақдим этишган. Мазкур фото Apple’нинг ҳамёнбоп айфони дизайни ҳақидаги аввал сизиб чиққан маълумотларни тасдиқлади.
Расмдаги оқ смартфон дизайни чиндан ҳам iPhone 8 моделини эслатади, корпусининг бурчаклари думалоқланган. Бош камерасининг якка модули ёнида LED-фоточақноқ, орқа қопқоқ ўртасида эса Apple логотипи жойлашган.
Таниқли таҳлилчи Мин-Чи Куо ушбу айфоннинг қора, оқ ва қизил корпусларда таклиф этилишини айтган эди. iPhone 9 корпусининг юзаси жилосиз бўлиши эвазига, бу туслар iPhone 8’дагидан бошқачароқ кўриниши ҳам мумкин.
ЎҚИНГ: iPhone SE 2 (iPhone 9) тақдим этиладиган ва сотувга чиқадиган аниқ кунларни айтишди!