Samsung экрани 50 фоизга чўзилувчи, ўйинбоп ноутбук чиқаради
Кейинги пайтларда ишлаб чиқарувчилар ўзгачароқ форм-факторга эга ноутбуклар устида ҳам ишлай бошлашган. Жумладан, ўтган ойда Lenovo дунёдаги илк қайишқоқ экранли ноутбук – ThinkPad X1’ни намойиш этганди.
ЎҚИНГ: Энг хавфли ноутбукка ҳам харидор топилди – у рекорд нархда сотилди!
Samsung эса янада узоқни кўзлаган кўринади – у экрани икки ёнига чўзиладиган ноутбук тайёрламоқда. Компания унга ўтган йилнинг 19 декабридаёқ патент олган экан, аммо кенг жамоатчиликка бу эндигина маълум бўлди.
Одатий ҳолатида бу ноутбук дисплейи томонлари ўзаро 16:9 нисбатида, бироқ унинг экранини икки ёнига чўзиб, яна тахминан эллик фоизга катталаштирса бўлади. Бунда ўта кенг экран ҳосил бўлади ва у фильмлар томоша қилиш, ўйинлар ўйнашга жуда қулайдир.
ЎҚИНГ: Lenovo тарихдаги энг қудратли процессорга эга илк 5G-ноутбукни тайёрлади!
Samsung’нинг бу лаптопи экрани чўзилган ҳолатида унинг томонлари қандай нисбатда бўлиши аниқ эмас. Манбага кўра, у 21:9 форматидан анча катта, бироқ 32:9 дан кичикроқ бўлади.
Экран икки томонидан металл ром билан маҳкамланган бўлиб, ёйилганида унинг четки қисмлари билан бирга ромлари ҳам сурилади. Яъни, дисплей ён томонларидан шикастланишдан ҳимояланган.
Samsung бу ноутбукини қачон тақдим этиши ва унинг хусусиятлари номаълум. Terashop.uz интернет-дўконимизда эса турли русумлардаги Asus, Acer, Lenovo, HP ва Dell ноутбукларини 2 075 000 сўмдан бошланган нархларда сотиб олишингиз мумкин.
