Тарихдаги илк 144 Гц экранли, шаффоф, 16 ГБ хотирали ва вентиляторли смартфоннинг ишлашини «жонли» видеода кўрамиз!

ZTE корпорациясига қарашли Nubia компанияси ўйинбоп Red Magic 5G моделини шу йил март ойида тақдим қилган. Igeekphone ресурси ўтказган реал тестда ушбу қурилма энг тезкор смартфонлар ТОП-ўнталигида учинчи ўринни олган.

ЎҚИНГ: Дунёдаги энг кучли смартфон, процессор ва прошивкалар ТОП-ўнталиклари (Master Lu рейтинглари, 2020 йил 1-чорак)

Таъкидлаб ўтиш ўринлики, Nubia Red Magic 5G – кадр янгиланиш частотаси 144 герцлик илк смартфондир. Бу гаджетнинг орқа панели шаффоф бўлган, чекланган миқдордаги Deuterium Transparent Edition версияси 12/256 гигабайтлик хотирали вариантда май ойида бозорга чиқиб, тез сотилиб кетган.

Ўйинлар давомида қизиб кетмаслиги учун Nubia Red Magic 5G моделида мураккаб Turbo Fan 3.0 совитиш тизими қўлланган. Мазкур тизим радиатор камерали ҳақиқий вентиляторни ўз ичига олади – у дақиқасига 15 минг марталик тезликда айланади.

Интернетда унинг қандай ишлашини намойиш этувчи видеолавҳа пайдо бўлди:

Орқа панели шаффофлиги боис мазкур флагман геймерофоннинг асосий компонентлари яққол кўриниб турибди. Булар – Snapdragon 865 процессори, LPDDR 5 тоифали тезкор хотира чипи, тезкор қувватлаш модули, вентилятор ва бошқалардир.

Nubia Red Magic 5G Deuterium Transparent Edition версиясининг энди катта ҳажмдаги – 16/256 гигабайтлик хотирага эга варианти ҳам сотувга чиқяпти. ZTE уни ўз юртида 14 июндан бошлаб, 735 АҚШ долларига тенг нархда сотади.

ЎҚИНГ: Ер юзидаги энг тезкор смартфонлар (AnTuTu глобал рейтинги, 2020 йил май)