Умуман кутилмаган Redmi Note 9 Pro Max, илк «жонли» фото ва тарихдаги энг креатив тизер!
12 март куни намойиш этиладиган Redmi Note 9 ҳамда Note 9 Pro смартфонларини Xiaomi корпорацияси ҳам «Йиртқич» эканини айтиб мақтаяпти. Бироқ булардан иккинчиси Qualcomm’никидан бошқа процессор билан ҳам чиқиши мумкин.
ЎҚИНГ: Ҳали чиқмаган икки ҳамёнбоп – Redmi Note 9 Pro ва Realme 6 Pro флагманларининг илк жанги!
Лекин кеча – 6 март куни таниқли информатор Мукул Шарма (Mukul Sharma) ўзининг Twitter-саҳифасида айтишича, ўша куни компания тақдим этадиган смартфонлар номи Redmi Note 9 Pro ҳамда Redmi Note 9 Pro Max бўлади. Яъни, стандарт Redmi Note 9 модели чиқарилмаслиги (ҳар ҳолда, ўша куни) мумкин.
Шунингдек, интернетда булардан бирининг биринчи «жонли» сурати ҳам пайдо бўлди:
Орқа қопқоғидаги ёзувга кўра, унинг бош камераси сунъий интеллектга эга ва асосий сенсори 64 мегапикселлик.
ЎҚИНГ: Redmi 9, Redmi Note 9 ва Note 9 Pro тақдимоти олдидан Redmi K30 5G арзонлашди!
Бундан ташқари, Xiaomi вице-президенти ва Xiaomi India раҳбари Ману Кумар Жейн (Manu Kumar Jain) ҳам кеча Twitter’да қизиқ бир тизер эълон қилди. Унда чиройли шаклга солинган эмодзилар ёрдамида Redmi Note 9 туркумидаги смартфонларнинг асосий техник хусусиятлари кўрсатиб берилган:
📸📸📸📸📸📸📸📸📸📸
— Manu Kumar Jain (@manukumarjain) March 6, 2020
📸📸📸😎😎😎😎📸📸📸
📸📸😎😎😎😎😎😎📸📸
📸📸😎😎9️⃣9️⃣😎😎📸📸
📸📸😎9️⃣9️⃣9️⃣9️⃣😎📸📸
📸📸😎😎9️⃣9️⃣😎😎📸📸
🔋🔋😎😎😎😎😎😎🔋🔋
🔋🔋🔋🔋🔋🔋⚡⚡🔋🔋
🔋🔋🔋🔋🔋🔋⚡⚡🔋🔋
🔋🔋🔋🔋🔋🔋⚡⚡🔋🔋
🔋🔋⚡⚡⚡⚡⚡⚡🔋🔋
🔋🔋⚡⚡⚡⚡⚡⚡🔋🔋
🔋🔋🔋🔋🔋🔋🔋🔋🔋🔋
Бу ердаги «тилсим»ларни ечадиган бўлсак, 32 та фотоаппаратли эмодзи смартфоннинг олд камераси 32 мегапикселлик эканини, 46 та батарея белгичаси эса аккумуляторнинг ток сиғими 4600 мА/соатлик эканини англатади. 18 та чақмоқ белгичаси – смартфоннинг 18 ваттлик технология асосида тезкор қувват олишига ишора.
9 рақамли 8 та белги кўпайтмаси (8 х 9 = 72) эса смартфоннинг Qualcomm Snapdragon 720G процессори базасида ишлашини билдиради. Лекин 26 та табассумли смайлик нимани англатиши ҳозирча номаълум. Твиттер фойдаланувчиларидан бири унинг камераси 26 карралик зумга эга бўлишини тахмин қилган. Лекин бизнинг фаразимизга кўра, бу смартфонларнинг савдоси 26 мартдан бошланиши ҳам мумкин.
ЎҚИНГ: MIUI 11 прошивкасида Redmi 10X 4G ва яна учта янги Redmi смартфони «топилди»!
