Узоқ кутилган имконият, ниҳоят, WhatsApp’га жорий этилди!

WhatsApp – жаҳондаги энг оммабоп мессенжер бўлиб, дунё бўйича икки миллиарддан ошиқ фойдаланувчига эга. Дастурчилар унга айни коронавирус туфайли карантин пайти керак бўладиган имкониятни қўшишди.

ЎҚИНГ: Карантин даврида бу иловалар бир ярим бараварга оммалашди!

WhatsApp ишлаб чиқувчилари мазкур мессенжерда кўп томонлама аудиоконференция ҳамда видеоконференция қилиш имкониятини йўлга қўйишди. Бунгача уларни бир ҳафта мобайнида бета-версияларда синаб кўришган эди.

Ушбу платформада аудио- ва видеоконференциялар аввал ҳам мавжуд, аммо уларда тўрт нафаргача киши қатнашиши мумкин эди. Энди эса 8 нафаргача иштирокчи WhatsApp орқали аудиочат ва видеочат қила оладиган бўлди.

ЎҚИНГ: «Бу иловадан фойдаланиш хавфли!» – Telegram асосчиси яна чиқиш қилди

WhatsApp’да қўнғироқ қилиш ўзгармаган: чақирув тугмачасини босасиз, аудио ёки видео опциясини танлайсиз ва унга етти нафаргача кишини таклиф этишингиз мумкин. Лекин иштирокчиларнинг барчасида мазкур клиентнинг сўнгги версияси ўрнатилган бўлиши лозим. Уни айфонларга мазкур ҳавола, Android-смартфонларга эса мана бу ҳавола орқали юклаб (ёки янгилаб) олиш мумкин.

Дарвоқе, WhatsApp’га эгалик қилувчи Facebook компанияси куни кеча Zoom сервисининг рақобатчиси – Messenger Rooms сервисини тақдим этган. Лекин Telegram асосчиси Павел Дуров унинг рақобатчиси WhatsApp ҳеч қачон хавфсиз бўла олмаслигини айтган ва сабабини тушунтирган.

ЎҚИНГ: Смартфонингиздаги 19 та хавфли илова: Facebook, Messenger, Shareit...