Xiaomi яна олтита смартфонига глобал MIUI 10 прошивкасини тарқатмоқда
«Хитойча Apple» ўзининг MIUI 10 талқинидаги график қобиғини 31 май куни тақдим этган бўлса-да, унга асосланган прошивкаларни сал кейинроқ тарқата бошлаган. Шунда ҳам дастлаб Хитойдаги смартфонлар учун, кейинроқ эса биттагина модел учун якуний талқиндаги глобал прошивка фойдаланишга топширилганди.
ЎҚИНГ: Барқарор глобал MIUI 10 биринчи бўлиб Xiaomi’нинг арзон смартфонига тарқатилмоқда
Куни кеча Xiaomi компанияси дастурчилари MIUI 10 талқини базасидаги глобал прошивканинг барқарор талқинини яна олтита русумдаги смартфон учун тақдим этишди. Улар тегишли смартфон моделига боғлиқ ҳолда Android Oreo ёки Nougat талқинидаги операцион тизим асосида тайёрланган бўлса-да, интерфейси Android 9 Pie версиясидагига жуда яқинлаштирилган.
Хулласи калом, барқарор глобал MIUI 10 прошивкаси кейинги уч йил ичида тақдим этилган қуйидаги русумларга мансуб смартфонлар учун тарқатилмоқда:
- Xiaomi Redmi Note 5 Pro;
- Xiaomi Mi MIX;
- Xiaomi Mi MIX 2;
- Xiaomi Mi 5;
- Xiaomi Mi 6;
- Xiaomi Mi Note 2.
ЎҚИНГ: iPhone Xs тақдимотидан кейиноқ Xiaomi унинг нақ уч баравар арзон клонини намойиш этди!
Ушбу русумлардаги смартфонларни эгалари MIUI 10 Global Stable прошивкасигача янгилаб, унинг имкониятларини биринчилар қаторида синаб кўришлари мумкин. Унда турли иловаларнинг ишга туширилиши махсус алгоритмлар эвазига тезлаштирилган, яна чуқур оптимизация туфайли қурилманинг автономлиги (батарея қувватининг кўпроқ вақтга етиши) яхшиланган. Прошивканинг ўзидаёқ Google сервислари ва интерфейснинг керакли тиллари мавжуд.
Одатдагидек, Xiaomi ушбу дастурий таъминот апдейтини «ҳаво орқали» босқичма-босқич тарқатмоқда, шу сабабли рўйхатда номлари келтирилган қурилмалар эгалари янгиланишлар мавжудлигини текшириб туришлари лозим – бизнинг ҳудуд учун ҳам тез орада келиб қолса керак.
Мазкур смартфонсознинг бир қатор гаджетларини тегишли кафолати билан Terashop.uz интернет-дўконидан олиш имкони мавжуд. Жумладан, яқинда тақдим этилган «Тезкорлик устаси» – Pocophone F1 ҳамёнбоп флагманини ҳам ушбу дўконимиздан расмий кафолати билан онлайн харид қилишингиз мумкин.
