Ёшларбоп ва арзон Redmi Smart TV X series телевизорлари намойиш қилинди
Redmi бренди бугун Dimensity 820 базасидаги илк смартфон – Redmi 10X 5G моделини тақдим этди. Ушбу онлайн маросимда компания яна янги авлод телевизорларини ҳам намойиш қилди.
ЎҚИНГ: Redmi гигант телевизорининг одам иштирокисиз ишлаб чиқарилишини видеода кўрсатди
Redmi Smart TV X series туркуми ёшларга мўлжалланган флагман телевизорлар сифатида илгари сурилмоқда. Уларнинг техник хусусиятлари, янги имкониятлари ва айниқса нархи аудиторияни жалб этишда муҳим ўрин тутади.
Мазкур ақлли телевизорлар кенг полосали тўртта динамик ва алоҳида сабвуферга эга бўлиб, MEMC технологиясини ҳамда овоз ёрдамида бошқаришни қўллаб-қувватлайди. Ишлаб чиқувчиларнинг айтишларича, бу гаджетлар овозли буйруқларни 10 метрлик масофадан ҳам илғаб олади.
Redmi Smart TV X series телевизорларининг аппарат таъминоти асосини иккита Arm Cortex-A73 ва яна иккита Cortex-A53 ядросини ўзида жамлаган процессор ташкил этади. Туркумнинг барча вакилларида 2 гигабайтлик тезкор ва 32 гигабайтли доимий хотира мавжуд.
Экран матрицаси NTSC ранглар маконини 85% қамраб олади, 60 герцлик янгиланиш частотасига эга ва 4К сифатида тасвир узатишга қодир.
Xiaomi ушбу туркумда учта моделда смарт-телевизор чиқаряпти, улар фақат экранининг ўлчами ва нархига кўра ўзаро фарқланади. Энг катта – 65 дюймлик дисплейга эга бўлган Redmi Smart TV X учун 465 долларлик нарх белгиланган, лекин илк харидорлар уни 420 долларга олишлари мумкин. Телевизорнинг ўртача – 55 дюймлиги 320 доллар туради, лекин бошида униям янада арзон – 280 доллардан сотишади. Энг ихчам – 50 дюймлик моделининг нархи эса кейинроқ ошкор этилади
ЎҚИНГ: Xiaomi ва Redmi смартфонларини 31 майгача янада арзон олишингиз мумкин!
