Galaxy Note 20 va boshqa gadjetlar taqdimot sanasini Samsung rasman e’lon qildi! (+video)
Kuni kecha Samsung o‘zining rasmiy saytiga Galaxy Note 20 Ultra suratini chiqarib, yana yashirib qo‘ygan edi. Lekin insayderlar uni ilk «jonli» rasmlarda har tomonlama ko‘rsatishgan.
O‘QING: Shokka tayyor turing: Galaxy Note 20’lar va Galaxy Fold 2 narxlari e’lon qilindi!
Shu paytgacha tarqalgan mish-mishlarda aytilishicha, Galaxy Note 20 turkumidagi fabletlar joriy yilning 5 avgustida taqdim etilishi kutilmoqda. Nihoyat, buni kompaniyaning o‘zi ham rasman tasdiqladi – Galaxy Unpacked 2020 tadbiri taklifnomasini e’lon qildi:
Onlayn tarzda o‘tkaziladigan tadbirining ushbu rasmiy taklifnomasiga qaraganda, uning asosiy qahramonlari Galaxy Note 20 turkumidagi fabletlardir. Lekin Samsung unda boshqa mahsulotlarini ham namoyish etadi, shulardan biri Galaxy Fold 2 buklamafoni bo‘lishi kerak.
Kompaniya yana Galaxy Buds Live (yoki Galaxy Buds X) nomli loviyasimon butkul simsiz quloqchin hamda Galaxy Watch 3 smart-soatini ham tayyorlagan. Ammo ular shu oyning o‘zidayoq taqdim etilishi kutilayotir.
O‘QING: Samsung flagmanlarida yangi ishkal: ular «ochlik e’lon qildi»!
