Huawei eng baquvvat akkumulyatorli flagmanini tayyorladi
Dunyoning uchinchi raqamli smartfonsozi o‘zining Mate 20 Pro flagmanini joriy yilning kuzida namoyish etmoqchi. Ayni kunlarda Huawei uning reklama tasvirini tarqatmoqda.
O‘QING: Huawei P20 Lite: "Malika"dagi bestseller 10 foizga arzonlashdi!
Reklama tasviridan anglashiladiki, Huawei Mate 20 Pro bu kompaniya flagmanlari orasida eng sig‘imdor batareyaga ega model bo‘ladi.
Ko‘rib turganingizdek, P10 Plus smartfoni 3750 mA/soatlik akkumulyator bilan, Mate 10 Pro hamda amaldagi bayroqdor P20 Pro esa 4000 mA/soatlik batareya bilan ta’minlangan. Navbatdagi taqdim etiladigan modelning akkumulyatori esa bulardan ham katta bo‘lishiga ishora qilinmoqda.
Avvalroq tarqalgan xabarlarga ko‘ra, Huawei Mate 20 modeli 4200 mA/soatlik akkumulyator bilan jihozlanadi. Demak, uning «akasi» – Mate 20 Pro esa bundan ham sig‘imdor batareyaga ega bo‘ladi.