IT-yo‘nalishlar bo‘yicha bepul videodarslarga marhamat!
Respublikamizda barpo etilgan IT-markazlarning asosiy yo‘nalishlaridan biri — yoshlar va aholining kompyuter savodxonligini oshirish, ularga zamonaviy axborot texnologiyalarini o‘rgatishdir. Ular bu borada bir qator ishlarni amalga oshirishmoqda, deb yozadi Axborot texnologiyalari va kommunikatsiyalarini rivojlantirish vazirligi.
O‘QING: Karantin paytida qiziqarli va bepul onlayn ta’lim oling!
Shunga ko‘ra va koronavirus tufayli karantin sharoitida IT-markazlarining jamoalari eng dolzarb yo‘nalishlar bo‘yicha videodarslarni ishlab chiqish hamda tayyorlash ishlarini yo‘lga qo‘yishdi. Bugungi kunga qadar IT-markazlarda respublika miqyosida 5 mingdan ortiq tinglovchilar o‘qishni muvaffaqiyatli ravishda tamomlashdi.
Hozirgi vaqtda quyidagi yo‘nalishlari bo‘yicha videodarslar tayyorlangan:
- Adobe Photoshop (7 ta dars o‘zbek tilida, 6 ta dars qoraqalpoq tilida);
- HTMLʼga kirish (3 ta dars o‘zbek tilida)
- HTMLʼda veb-ilovalar (9 ta dars o‘zbek tilida)
Shuningdek, yaqin orada quyidagi IT-yo‘nalishlari bo‘yicha videodarslar tayyorlanadi va yuklanadi:
- MSOffice
- SCRATCH
- HTML/CSS
- Elektron pochtadan foydalanish
- Robototexnikalardan foydalanish
- Android-ilova ishlab chiqish
- Telegram messenjerida ommaviy kanal ochish va yuritish
- Antivirus dasturlari
- Java
- Unity 3D va boshqalar!
Siz ham o‘qishga qatnashing, bilim oling va yangi mutaxassisliklarni o‘zlashtiring!
Videodarslarni ko‘rish uchun havolalar:
https://utube.uz/ru/users/7717
https://mover.uz/channel/it-center/
Eslatib o‘tamiz: bu ikkita videoxosting ham TAS-IX hududiga kirgani boisdan O‘zbekistondagi deyarli barcha internet-provayderlar abonentlari uchun ulardan foydalanishda trafik hisoblanmaydi. Uyali aloqa operatorlaridan ayrimlari o‘z abonentlari uchun utube.uz saytidan foydalanishni ham bepul qilishgan (TO‘LIQ RO‘YXAT).
O‘QING: Mover.uz'dan videolarni yuklab olishning oson usuli!
